সীতা স্বয়ম্বৰলৈ

ৱিকিউৎসৰ পৰা
Jump to navigation Jump to search
সপ্তকাণ্ড ৰামায়ণ
লেখক মাধৱ কন্দলী, শংকৰদেৱ, মাধৱদেৱ
ৰামায়ণ বৃত্তান্ত
  1. আদিকাণ্ড - প্ৰথম অধ্যায়
  2. ৰামায়ণ বৃত্তান্ত - গ্ৰন্থত সন্নিবিষ্ট পৃষ্ঠা নং ২
  3. ৰাক্ষসৰ কথা - গ্ৰন্থত সন্নিবিষ্ট পৃষ্ঠা নং ৯
  4. সূৰ্যবংশৰ বিৱৰণ - গ্ৰন্থত সন্নিবিষ্ট পৃষ্ঠা নং ১০
  5. দশৰথৰ বিবাহ - কৌশল্যা - গ্ৰন্থত সন্নিবিষ্ট পৃষ্ঠা নং ১২
  6. দশৰথৰ বিবাহ - কৈকেয়ী - গ্ৰন্থত সন্নিবিষ্ট পৃষ্ঠা নং ১২
  7. দশৰথৰ বিবাহ - সুমিত্ৰা আৰু অন্যান্য ৰাণী - গ্ৰন্থত সন্নিবিষ্ট পৃষ্ঠা নং ১৫
  8. শনিৰ দৃষ্টি - গ্ৰন্থত সন্নিবিষ্ট পৃষ্ঠা নং ১৭
  9. শনিৰ বৰ - গ্ৰন্থত সন্নিবিষ্ট পৃষ্ঠা নং ২০
  10. সিন্ধু মুনি বধ আৰু অভিশাপ - গ্ৰন্থত সন্নিবিষ্ট পৃষ্ঠা নং ২২
  11. দশৰথৰ বৰ : কৈকেয়ীক - গ্ৰন্থত সন্নিবিষ্ট পৃষ্ঠা নং ২৬
  12. অপুত্ৰক দশৰথৰ চিন্তা - গ্ৰন্থত সন্নিবিষ্ট পৃষ্ঠা নং ২৭
  13. ঋষ্যশৃঙ্গৰ কাহিনী - গ্ৰন্থত সন্নিবিষ্ট পৃষ্ঠা নং ২৮
  14. ঋষ্যশৃঙ্গৰ উপস্থিতিত যজ্ঞ - গ্ৰন্থত সন্নিবিষ্ট পৃষ্ঠা নং ৩২
  15. দশৰথৰ গৃহত নাৰায়ণৰ অংশৰ স্থিত - গ্ৰন্থত সন্নিবিষ্ট পৃষ্ঠা নং ৩৪
  16. পায়স ভক্ষণ আৰু সন্তান জন্ম - গ্ৰন্থত সন্নিবিষ্ট পৃষ্ঠা নং ৪০
  17. জনকৰ ঘৰত সীতাৰ জন্ম - গ্ৰন্থত সন্নিবিষ্ট পৃষ্ঠা নং ৪৬
  18. গুহক চণ্ডাল - গ্ৰন্থত সন্নিবিষ্ট পৃষ্ঠা নং ৪৭
  19. ৰাক্ষস বধৰ উদ্দেশ্যে ৰাম - লক্ষণৰ আনয়ন - গ্ৰন্থত সন্নিবিষ্ট পৃষ্ঠা নং ৫০
  20. ৰাম - লক্ষণ আৰু বিশ্বামিত্ৰ - গ্ৰন্থত সন্নিবিষ্ট পৃষ্ঠা নং ৫২
  21. তাৰকা ৰাক্ষসীক বধ - গ্ৰন্থত সন্নিবিষ্ট পৃষ্ঠা নং ৫৪
  22. মাৰীচ বধ - গ্ৰন্থত সন্নিবিষ্ট পৃষ্ঠা নং ৫৬
  23. সীতা স্বয়ম্বৰলৈ - গ্ৰন্থত সন্নিবিষ্ট পৃষ্ঠা নং ৫৮
  24. কান্যকুজ্বৰ বিৱৰণ - গ্ৰন্থত সন্নিবিষ্ট পৃষ্ঠা নং ৬৩
  25. উনপঞ্চাশত বায়ুৰ উত্পত্তি - গ্ৰন্থত সন্নিবিষ্ট পৃষ্ঠা নং ৬৪
  26. অহল্যাৰ শাপ - মুক্তি - গ্ৰন্থত সন্নিবিষ্ট পৃষ্ঠা নং ৬৫
  27. ৰামৰ হৰধনু ভঙ্গ - গ্ৰন্থত সন্নিবিষ্ট পৃষ্ঠা নং ৭০
  28. স্বয়ম্বৰত যুদ্ধ - গ্ৰন্থত সন্নিবিষ্ট পৃষ্ঠা নং ৭৫
  29. দশৰথক আনিবলৈ কটকী প্ৰেৰণ - গ্ৰন্থত সন্নিবিষ্ট পৃষ্ঠা নং ৮০
  30. চাৰি ভাইৰ বিবাহ - গ্ৰন্থত সন্নিবিষ্ট পৃষ্ঠা নং ৮২
  31. ৰাম - পৰশুৰাম সংঘৰ্ষ - গ্ৰন্থত সন্নিবিষ্ট পৃষ্ঠা নং ৮৫
  32. ৰামচন্দ্ৰৰ অযোধ্যালৈ আগমন - গ্ৰন্থত সন্নিবিষ্ট পৃষ্ঠা নং ৯২
  33. ৰামচন্দ্ৰক যুৱৰাজ পতাৰ প্ৰস্তাৱ - গ্ৰন্থত সন্নিবিষ্ট পৃষ্ঠা নং ৯৩
  34. ৰামচন্দ্ৰৰ অভিষেকৰ আয়োজন - গ্ৰন্থত সন্নিবিষ্ট পৃষ্ঠা নং ৯৪
  35. মন্থৰাৰ কুমন্ত্ৰণা - গ্ৰন্থত সন্নিবিষ্ট পৃষ্ঠা নং ৯৬
  36. কৈকেয়ীয়ে বৰ বিচাৰে - গ্ৰন্থত সন্নিবিষ্ট পৃষ্ঠা নং ৯৭
  37. দশৰথৰ মনত দুখ - গ্ৰন্থত সন্নিবিষ্ট পৃষ্ঠা নং ৯০২
  38. কৈকেয়ীয়ে ৰামক বৰৰ কথা কয় - গ্ৰন্থত সন্নিবিষ্ট পৃষ্ঠা নং ১০৪
  39. ৰাম বনলৈ যাবলৈ ওলায় - গ্ৰন্থত সন্নিবিষ্ট পৃষ্ঠা নং ১০৪
  40. লক্ষণৰ ক্ৰোধ আৰু ৰামৰ প্ৰবোধ - গ্ৰন্থত সন্নিবিষ্ট পৃষ্ঠা নং ১০৬
  41. বনবাসৰ কথা সীতাক জনায় - গ্ৰন্থত সন্নিবিষ্ট পৃষ্ঠা নং ১১০
  42. লক্ষণো বনলৈ ওলায় - গ্ৰন্থত সন্নিবিষ্ট পৃষ্ঠা নং ১১৪
  43. ৰামচন্দ্ৰৰ বিদায় - প্ৰাৰ্থনা - গ্ৰন্থত সন্নিবিষ্ট পৃষ্ঠা নং ১১৫
  44. ৰামচন্দ্ৰৰ বাকলি বস্ত্ৰ পৰিধাণ - গ্ৰন্থত সন্নিবিষ্ট পৃষ্ঠা নং ১১৭
  45. ৰাম - লক্ষণ - সীতাৰ বনবাস গমন - গ্ৰন্থত সন্নিবিষ্ট পৃষ্ঠা নং ১১৯
  46. ৰামচন্দ্ৰই প্ৰজাক শান্ত্বনা দিয়ে - গ্ৰন্থত সন্নিবিষ্ট পৃষ্ঠা নং ১২২
  47. ৰামচন্দ্ৰ - গুহক সাক্ষাত্ - গ্ৰন্থত সন্নিবিষ্ট পৃষ্ঠা নং ১২৩
  48. মন্ত্ৰী সুনম্তক বিদায় - গ্ৰন্থত সন্নিবিষ্ট পৃষ্ঠা নং ১২৪
  49. ভৰদ্বাজ মুনিৰ আশ্ৰমত প্ৰৱেশ - গ্ৰন্থত সন্নিবিষ্ট পৃষ্ঠা নং ১২৫
  50. দশৰথৰ মৃত্যু -গ্ৰন্থত সন্নিবিষ্ট পৃষ্ঠা নং ১৩১
  51. ৰাণীসকলৰ বিলাপ - গ্ৰন্থত সন্নিবিষ্ট পৃষ্ঠা নং ১৩৩
  52. কৌশল্যাই কৈকেয়ীক ভৰ্ত্সনা কৰে - গ্ৰন্থত সন্নিবিষ্ট পৃষ্ঠা নং ১৩৪
  53. ভৰতক মতাই আনে - গ্ৰন্থত সন্নিবিষ্ট পৃষ্ঠা নং ১৩৫
  54. ভৰতৰ খং - গ্ৰন্থত সন্নিবিষ্ট পৃষ্ঠা নং ১৩৭
  55. কুঁজীৰ বিলাই - গ্ৰন্থত সন্নিবিষ্ট পৃষ্ঠা নং ১৩৯
  56. কৌশল্যা আৰু ভৰতৰ কথা-বতৰা - গ্ৰন্থত সন্নিবিষ্ট পৃষ্ঠা নং ১৪০
  57. দশৰথ ৰজাৰ প্ৰেতকাৰ্য্য - গ্ৰন্থত সন্নিবিষ্ট পৃষ্ঠা নং ১৪১
  58. ৰামক মাতি আনিবলৈ দিহা - গ্ৰন্থত সন্নিবিষ্ট পৃষ্ঠা নং ১৪৩
  59. ৰামক বিচাৰি ভৰতৰ যাত্ৰা - গ্ৰন্থত সন্নিবিষ্ট পৃষ্ঠা নং ১৪৪
  60. ভৰত-গুহৰ মিলন - গ্ৰন্থত সন্নিবিষ্ট পৃষ্ঠা নং ১৪৬
  61. গুহকৰ সাহায্য দান - গ্ৰন্থত সন্নিবিষ্ট পৃষ্ঠা নং ১৪৯
  62. ভৰদ্বাজ মুনিৰ অতিথি সত্কাৰ - গ্ৰন্থত সন্নিবিষ্ট পৃষ্ঠা নং ১৫০
  63. চিত্ৰকূটত ৰাম - গ্ৰন্থত সন্নিবিষ্ট পৃষ্ঠা নং ১৫১
  64. ভৰতে ৰামক লগ পায় - গ্ৰন্থত সন্নিবিষ্ট পৃষ্ঠা নং ১৫৩
  65. দশৰথৰ মৃত্যুৰ বাতৰিত শোক-প্ৰকাশ - গ্ৰন্থত সন্নিবিষ্ট পৃষ্ঠা নং ১৫৩
  66. ৰামৰ পিণ্ড দান - গ্ৰন্থত সন্নিবিষ্ট পৃষ্ঠা নং ১৫৫
  67. ঋষি আৰু মাতৃসকলৰ লগত ৰামৰ সাক্ষাত্ - গ্ৰন্থত সন্নিবিষ্ট পৃষ্ঠা নং ১৫৫
  68. ৰামৰ খৰম লৈ ভৰতৰ প্ৰত্যাগমন - গ্ৰন্থত সন্নিবিষ্ট পৃষ্ঠা নং ১৫৭
  69. সিংহাসনত খৰম স্থাপন - গ্ৰন্থত সন্নিবিষ্ট পৃষ্ঠা নং ১৫৮
  70. অৰণ্যকাণ্ড
  71. অত্ৰি ঋষিৰ আশ্ৰমত ৰাম সীতা - গ্ৰন্থত সন্নিবিষ্ট পৃষ্ঠা নং ১৬৯
  72. দণ্ডকাৰণ্যত ৰামৰ প্ৰৱেশ - গ্ৰন্থত সন্নিবিষ্ট পৃষ্ঠা নং ১৬৪
  73. ৰামচন্দ্ৰ - সীতাৰ কথোপকথন - গ্ৰন্থত সন্নিবিষ্ট পৃষ্ঠা নং ১৬৭
  74. ৰামৰ আগত মাণ্ডকৰ্ণি মুনিৰ বৃত্তান্ত - গ্ৰন্থত সন্নিবিষ্ট পৃষ্ঠা নং ১৬৯
  75. অগস্ত্য মুনিৰ আশ্ৰমত প্ৰৱেশ - গ্ৰন্থত সন্নিবিষ্ট পৃষ্ঠা নং ১৬৯
  76. জটায়ুৰ লগত সাক্ষাত্ আৰু শূৰ্পনখাৰ নাক - কাণ ছেদন - গ্ৰন্থত সন্নিবিষ্ট পৃষ্ঠা নং ১৭১
  77. ৰাক্ষসৰ লগত যুদ্ধ - গ্ৰন্থত সন্নিবিষ্ট পৃষ্ঠা নং ১৭৫
  78. খৰ দুষণ বধ - গ্ৰন্থত সন্নিবিষ্ট পৃষ্ঠা নং ১৭৬
  79. মাৰীচৰ মৃগৰূপ ধাৰণ - গ্ৰন্থত সন্নিবিষ্ট পৃষ্ঠা নং ১৮৭
  80. ৰাৱণৰ তপস্বী বেশ - গ্ৰন্থত সন্নিবিষ্ট পৃষ্ঠা নং ১৮৭
  81. সীতাৰ আগত ৰাৱণৰ আত্ম পৰিচয় - গ্ৰন্থত সন্নিবিষ্ট পৃষ্ঠা নং ১৯১
  82. ৰাৱণৰ গৰ্ব - গ্ৰন্থত সন্নিবিষ্ট পৃষ্ঠা নং ১৯৪
  83. ৰাৱণে সীতাক হৰণ কৰে - গ্ৰন্থত সন্নিবিষ্ট পৃষ্ঠা নং ১৯৫
  84. ৰামক মাৰিবলৈ ৰাক্ষস নিয়োগ - গ্ৰন্থত সন্নিবিষ্ট পৃষ্ঠা নং ১৯৮
  85. সীতাই ৰাৱণক অভিশাপ দিয়ে - গ্ৰন্থত সন্নিবিষ্ট পৃষ্ঠা নং ১৯৯
  86. সীতাই ৰাৱণক ৰ্ভতসনা কৰে - গ্ৰন্থত সন্নিবিষ্ট পৃষ্ঠা নং ২০০
  87. সীতাক বিচাৰি নেপাই ৰামৰ আক্ষেপ - গ্ৰন্থত সন্নিবিষ্ট পৃষ্ঠা নং ২০২
  88. জটায়ুৱে সীতাৰ বাতৰি দিয়ে - গ্ৰন্থত সন্নিবিষ্ট পৃষ্ঠা নং ২০৩
  89. কৱদ্ধৰ লগত সাক্ষাত্ - গ্ৰন্থত সন্নিবিষ্ট পৃষ্ঠা নং ২০৫
  90. চম্পা সৰোবৰত ৰাম-লক্ষণ - গ্ৰন্থত সন্নিবিষ্ট পৃষ্ঠা নং ২০৬
  91. কিষ্কিন্ধ্যাকাণ্ড
  92. ৰামৰ লগত সুগ্ৰীৱৰ মিত্ৰতা - গ্ৰন্থত সন্নিবিষ্ট পৃষ্ঠা নং ২০৯
  93. ৰামৰ আগত সীতাৰ অলঙ্কাৰ - গ্ৰন্থত সন্নিবিষ্ট পৃষ্ঠা নং ২১০
  94. বালী বধৰ আয়োজন - গ্ৰন্থত সন্নিবিষ্ট পৃষ্ঠা নং ২১০
  95. বালী - সুগ্ৰীৱৰ যুদ্ধ - গ্ৰন্থত সন্নিবিষ্ট পৃষ্ঠা নং ২১৪
  96. ৰামে বালীক বধ কৰে - গ্ৰন্থত সন্নিবিষ্ট পৃষ্ঠা নং ২১৮
  97. বালীয়ে ৰামক তিৰস্কাৰ কৰে - গ্ৰন্থত সন্নিবিষ্ট পৃষ্ঠা নং ২২১
  98. বালীৰ ভাৰ্য্যা তাৰাৰ বিলাপ - গ্ৰন্থত সন্নিবিষ্ট পৃষ্ঠা নং ২২৩
  99. তাৰাৰ অভিশাপ - গ্ৰন্থত সন্নিবিষ্ট পৃষ্ঠা নং ২২৪
  100. সুগ্ৰীৱৰ অভিষেক - গ্ৰন্থত সন্নিবিষ্ট পৃষ্ঠা নং ২২৭
  101. সুগ্ৰীৱৰ প্ৰতি ৰামৰ সন্দেহ - গ্ৰন্থত সন্নিবিষ্ট পৃষ্ঠা নং ২২৮
  102. সুগ্ৰীৱৰ সৈন্য সংগ্ৰহ - গ্ৰন্থত সন্নিবিষ্ট পৃষ্ঠা নং ২৩২
  103. সসৈন্যে সুগ্ৰীৱ উপস্থিত - গ্ৰন্থত সন্নিবিষ্ট পৃষ্ঠা নং ২৩৩
  104. বালীপুত্ৰ অঙ্গদৰ দ্ধাৰা ৰাক্ষস বধ - গ্ৰন্থত সন্নিবিষ্ট পৃষ্ঠা নং ২৩৬
  105. বানৰ সৈন্যৰ স্বয়ংপ্ৰভা সাক্ষাত্ - গ্ৰন্থত সন্নিবিষ্ট পৃষ্ঠা নং ২৩৭
  106. বানৰ সৈন্যৰ সমাবেশ : সাগৰ দৰ্শন - গ্ৰন্থত সন্নিবিষ্ট পৃষ্ঠা নং ২৩৮
  107. জটায়ুৰ মৃত্যুত সম্পাতিৰ শোক - গ্ৰন্থত সন্নিবিষ্ট পৃষ্ঠা নং ২৪১
  108. সুপাৰ্শ্বই ৰাৱণ আৰু সীতাক দেখে - গ্ৰন্থত সন্নিবিষ্ট পৃষ্ঠা নং ২৪৩
  109. সুন্দৰাকাণ্ড
  110. সাগৰৰ পাৰত বানৰ সৈন্যৰ মন্ত্ৰণা - গ্ৰন্থত সন্নিবিষ্ট পৃষ্ঠা নং ২৪৬
  111. হনুমন্তৰ পৰিচয় - গ্ৰন্থত সন্নিবিষ্ট পৃষ্ঠা নং ২৪৭
  112. হনুমন্তৰ লঙ্কা যাত্ৰা - গ্ৰন্থত সন্নিবিষ্ট পৃষ্ঠা নং ২৪৯
  113. লঙ্কাৰ বিৱৰণ - গ্ৰন্থত সন্নিবিষ্ট পৃষ্ঠা নং ১৫১
  114. হনুমন্তই সীতাক বিচাৰি পায় - গ্ৰন্থত সন্নিবিষ্ট পৃষ্ঠা নং ১৫৬
  115. ৰাৱণৰ কক্ষত সীতা - গ্ৰন্থত সন্নিবিষ্ট পৃষ্ঠা নং ২৫৮
  116. সীতা আৰু হনুমন্তৰ কথোপকথন - গ্ৰন্থত সন্নিবিষ্ট পৃষ্ঠা নং ২৬৩
  117. হনুমন্ত আৰু ৰাক্ষসৰ যুদ্ধ - গ্ৰন্থত সন্নিবিষ্ট পৃষ্ঠা নং ২৬৯
  118. হনুমন্ত আৰু জম্বুমালীৰ যুদ্ধ - গ্ৰন্থত সন্নিবিষ্ট পৃষ্ঠা নং ২৭০
  119. হনুমন্ত আৰু বিৰুপাক্ষৰ যুদ্ধ - গ্ৰন্থত সন্নিবিষ্ট পৃষ্ঠা নং ২৭১
  120. হনুমন্ত আৰু অক্ষকুমাৰৰ যুদ্ধ - গ্ৰন্থত সন্নিবিষ্ট পৃষ্ঠা নং ২৭২
  121. ইন্দ্ৰজিত আৰু হনুমন্তৰ যুদ্ধ - গ্ৰন্থত সন্নিবিষ্ট পৃষ্ঠা নং ২৭৩
  122. হনুমন্তৰ নেজত জুই আৰু লঙ্কা দাহ - গ্ৰন্থত সন্নিবিষ্ট পৃষ্ঠা নং ২৭৭
  123. হনুমন্তৰ প্ৰত্যাগমন - গ্ৰন্থত সন্নিবিষ্ট পৃষ্ঠা নং ২৮০
  124. বানৰ সৈন্যই মধুফল খায় - গ্ৰন্থত সন্নিবিষ্ট পৃষ্ঠা নং ২৮৪
  125. হনুমন্তই ৰামক সীতাৰ বাতৰি দিয়ে - গ্ৰন্থত সন্নিবিষ্ট পৃষ্ঠা নং ২৮৫
  126. ৰাম-লক্ষণৰ লঙ্কা যাত্ৰা - গ্ৰন্থত সন্নিবিষ্ট পৃষ্ঠা নং ২৮৭
  127. ৰাৱণক বিভীষণৰ সজ উপদেশ - গ্ৰন্থত সন্নিবিষ্ট পৃষ্ঠা নং ২৮৯
  128. ৰাৱণৰ কুমন্ত্ৰণা - গ্ৰন্থত সন্নিবিষ্ট পৃষ্ঠা নং ২৯০
  129. বিভীষণক ৰাৱণৰ পদাঘাত - গ্ৰন্থত সন্নিবিষ্ট পৃষ্ঠা নং ২৯২
  130. লঙ্কাকাণ্ড
  131. ৰামৰ সৈন্যবল সম্পৰ্কে জানিবলৈ ৰাৱণৰ আগ্ৰহ - গ্ৰন্থত সন্নিবিষ্ট পৃষ্ঠা নং ২৯৮
  132. ৰাৱণৰ ছলনা আৰু সীতাৰ বেজাৰ - গ্ৰন্থত সন্নিবিষ্ট পৃষ্ঠা নং ৩০৩
  133. ৰাৱণক সজউপদেশ - গ্ৰন্থত সন্নিবিষ্ট পৃষ্ঠা নং ৩০৬
  134. সুবেল পৰ্বতত ৰাম-লক্ষণ - গ্ৰন্থত সন্নিবিষ্ট পৃষ্ঠা নং ৩০৮
  135. ৰাম-লক্ষণৰ নাগপাশ মোচন - গ্ৰন্থত সন্নিবিষ্ট পৃষ্ঠা নং ৩১২
  136. ধুম্ৰাক্ষৰ যুদ্ধ - গ্ৰন্থত সন্নিবিষ্ট পৃষ্ঠা নং ৬২১
  137. সেনাপতি ব্ৰজদ্ৰংষ্ট - গ্ৰন্থত সন্নিবিষ্ট পৃষ্ঠা নং ৩২৩
  138. প্ৰহস্তৰ যুদ্ধযাত্ৰা - গ্ৰন্থত সন্নিবিষ্ট পৃষ্ঠা নং ৩২৫
  139. অনেক ৰাক্ষসৰ যুদ্ধ আৰু পতন - গ্ৰন্থত সন্নিবিষ্ট পৃষ্ঠা নং ৩২৭
  140. ৰাৱণৰ যুদ্ধ যাত্ৰা - গ্ৰন্থত সন্নিবিষ্ট পৃষ্ঠা নং ৩২৮
  141. লক্ষণৰ হাতত ৰাৱণৰ পৰাজয় - গ্ৰন্থত সন্নিবিষ্ট পৃষ্ঠা নং ৩২৯
  142. কুম্ভকৰ্ণৰ যুদ্ধ - যাত্ৰা - গ্ৰন্থত সন্নিবিষ্ট পৃষ্ঠা নং ৩৩৫
  143. কুম্ভকৰ্ণৰ যুদ্ধ - গ্ৰন্থত সন্নিবিষ্ট পৃষ্ঠা নং ৩৩৮
  144. ৰাম-লক্ষণৰ হাতত কুম্ভকৰ্ণৰ পতন - গ্ৰন্থত সন্নিবিষ্ট পৃষ্ঠা নং ৩৪৩
  145. অতিকায় ৰাক্ষসৰ যুদ্ধ আৰু পতন - গ্ৰন্থত সন্নিবিষ্ট পৃষ্ঠা নং ৩৪৬
  146. ইন্দ্ৰজিতৰ যুদ্ধ : ৰাম-লক্ষণ অচেতন - গ্ৰন্থত সন্নিবিষ্ট পৃষ্ঠা নং ৩৫১
  147. হনুমন্তই ঔষধ আনি জীৱন দান দিয়ে - গ্ৰন্থত সন্নিবিষ্ট পৃষ্ঠা নং ৩৫৩
  148. বানৰ সৈন্যৰ আক্ৰমণ - গ্ৰন্থত সন্নিবিষ্ট পৃষ্ঠা নং ৩৫৪
  149. কুম্ভ নিকুম্ভৰ যুদ্ধ - গ্ৰন্থত সন্নিবিষ্ট পৃষ্ঠা নং ৩৫৬
  150. ইন্দ্ৰজিতৰ পুনৰ যুদ্ধ - গ্ৰন্থত সন্নিবিষ্ট পৃষ্ঠা নং ৩৫৯
  151. ৰামক বিভীষণৰ প্ৰবোধ - গ্ৰন্থত সন্নিবিষ্ট পৃষ্ঠা নং ৩৬২
  152. ইন্দ্ৰজিত বধ - গ্ৰন্থত সন্নিবিষ্ট পৃষ্ঠা নং ৩৬৫
  153. ৰাৱণৰ ক্ৰোধ আৰু সীতাক হত্যা কৰিবলৈ উদ্যত - গ্ৰন্থত সন্নিবিষ্ট পৃষ্ঠা নং ৩৭৩
  154. লক্ষণৰ শক্তিশেল - গ্ৰন্থত সন্নিবিষ্ট পৃষ্ঠা নং ৩৭৯
  155. হনুমন্তৰ গন্ধমাদন আনয়ন - গ্ৰন্থত সন্নিবিষ্ট পৃষ্ঠা নং ৩৮৫
  156. গন্ধমাদন পুনৰ থৈ আহে - গ্ৰন্থত সন্নিবিষ্ট পৃষ্ঠা নং ৩৮৮
  157. ৰাম ৰাৱণৰ যুদ্ধ : ৰাৱণ বধ - গ্ৰন্থত সন্নিবিষ্ট পৃষ্ঠা নং ৩৯০
  158. ৰামৰ আগত সীতাৰ উপস্থিতি - গ্ৰন্থত সন্নিবিষ্ট পৃষ্ঠা নং ৩৯৯
  159. সীতাৰ অগ্নি পৰীক্ষা - গ্ৰন্থত সন্নিবিষ্ট পৃষ্ঠা নং ৪০২
  160. ৰামৰ অযোধ্যালৈ যাত্ৰা - গ্ৰন্থত সন্নিবিষ্ট পৃষ্ঠা নং ৪০৭
  161. অযোধ্যাত ৰামৰ প্ৰৱেশ - গ্ৰন্থত সন্নিবিষ্ট পৃষ্ঠা নং ৪১০
  162. ৰামচন্দ্ৰৰ ৰাজ্যাভিষেক - গ্ৰন্থত সন্নিবিষ্ট পৃষ্ঠা নং ৪১৬
  163. হনুমন্ত প্ৰভৃতিৰ অযোধ্যা ত্যাগ - গ্ৰন্থত সন্নিবিষ্ট পৃষ্ঠা নং ৪১৭
  164. উত্তৰা কাণ্ড
  165. সীতাৰ বনবাস - গ্ৰন্থত সন্নিবিষ্ট পৃষ্ঠা নং ৪২০
  166. বাল্মীকিৰ আশ্ৰমত লৱ-কুশৰ জন্ম - গ্ৰন্থত সন্নিবিষ্ট পৃষ্ঠা নং ৪২১
  167. ৰামৰ অশ্বমেধ যজ্ঞ - গ্ৰন্থত সন্নিবিষ্ট পৃষ্ঠা নং ৪২২
  168. লৱ-কুশৰ ৰামায়ণ কথন - গ্ৰন্থত সন্নিবিষ্ট পৃষ্ঠা নং ৪২৭
  169. হনুমন্তৰ জন্ম পৰিচয় - গ্ৰন্থত সন্নিবিষ্ট পৃষ্ঠা নং ৪৩৩
  170. লৱ-কুশৰ পৰিচয় - গ্ৰন্থত সন্নিবিষ্ট পৃষ্ঠা নং ৪৩৬
  171. সীতাক আনিবলৈ হনুমন্তক প্ৰেৰণ - গ্ৰন্থত সন্নিবিষ্ট পৃষ্ঠা নং ৪৩৭
  172. ৰামৰ ৰাজসভাত সীতা - গ্ৰন্থত সন্নিবিষ্ট পৃষ্ঠা নং ৪৪১
  173. সীতাৰ বেজাৰ আৰু পাতাল প্ৰৱেশ - গ্ৰন্থত সন্নিবিষ্ট পৃষ্ঠা নং ৪৪২
  174. পৃথিৱীৰ প্ৰতি ৰামৰ ক্ৰোধ - গ্ৰন্থত সন্নিবিষ্ট পৃষ্ঠা নং ৪৪৬
  175. পাতালত সীতা - গ্ৰন্থত সন্নিবিষ্ট পৃষ্ঠা নং ৪৪৭
  176. ভৰতৰ পুত্ৰক ৰাজ্য দান - - গ্ৰন্থত সন্নিবিষ্ট পৃষ্ঠা নং ৪৪৮
  177. ৰামৰ লক্ষণ বৰ্জন - - গ্ৰন্থত সন্নিবিষ্ট পৃষ্ঠা নং ৪৫২
  178. লক্ষণক বিচাৰি ৰামৰ বন যাত্ৰা - - গ্ৰন্থত সন্নিবিষ্ট পৃষ্ঠা নং ৪৫৮
  179. ৰামচন্দ্ৰৰ স্বৰ্গযাত্ৰা - - গ্ৰন্থত সন্নিবিষ্ট পৃষ্ঠা নং ৪৬৪
  ৩২ অধ্যায়
  সীতা স্বয়ম্বৰলৈ

এহি বুলি মনে গুণিলন্ত মুনিবৰ ।

উপজিয়া আছে লক্ষ্মী জনকৰ ঘৰ ॥১

যেহি যেহি ৰূপে অৱতাৰ হন্ত হৰি ।

ওপজন্ত লক্ষ্মী দেবী সেহিৰূপ ধৰি ॥২

ৰামৰূপে নাৰায়ণ আছন্ত সাম্প্ৰত ।

সীতাৰূপে লক্ষ্মী আছা জনক ঘৰত ॥৩

নিশ্চয়ে হৈবন্ত সীতা ভাৰ্য্যা ৰাঘৱৰ ।

জনক নৃপতি পাতি আছে স্বয়ম্বৰ ॥৪

ৰাম লক্ষ্মণক মিথিলাক লৈয়া যাওঁ ।

সীতা সমে ৰাঘৱৰ বিবাহ কৰাওঁ ॥৫

হেন মনে গুণি মুনি কৰিলন্ত সাৰ ।

ৰামক বোলন্ত শুনা বচন আমাৰ ॥৬

মিথিলা নগৰে আছে জনক নৃপতি ।

ৰাজঋষি ধৰ্ম্ম আচৰন্ত মহামতি ॥৭

পুত্ৰৱতে প্ৰজাক পালন্ত নৃপবৰ ।

সীতা নামে আছে তান দুহিতা স্নেহৰ ॥৮

অযোনিকাৰূপে আছে জনকৰ ঘৰে ।

যেন অমৃতৰ ঘট দুগুধ সাগৰে ॥৯

ত্ৰৈলোক্য মোহিনী কন্যা পৰম সুন্দৰী ।

কিবা লক্ষ্মী পাৰ্ব্বতী আছন্ত মূৰ্ত্তি ধৰি ॥১০

জানকীৰ ৰূপৰ নাহিকে পটন্তৰ ।

দেখি চূৰ হৱে যত দৰ্প কন্দৰ্পৰ ॥১১

মুনি মনমোহন বদন ৰুচিকৰ ।

দেখি লাজে থিৰ নথাকন্ত শশধৰ ॥১২

নয়নক দেখি আতিশয় পায়া লাজ ।

পলাই গৈয়া কমল থাকিল জলমাজ ॥১৩

ৰত্ন তিল ফুল জিনি নাসা কৰে কান্তি ।

প্ৰকাশে দশন জিনি মুকুতাৰ পান্তি ॥১৪

ভ্ৰুব সুবলিত মদনৰ ধনু সম ।

কপালত সুন্দৰ তিলক মনোৰম ॥১৫

হাস্যত বৰিষে যেন অমৃত প্ৰচুৰ ।

নয়নে কাজল জ্বলে শিৰত সিন্দুৰ ॥১৬

দীৰ্ঘ কেশচয় জিনি আছে চামৰক ।

ভ্ৰমৰাৰ শাৰি যেন কুটিল অলক ॥১৭

বিম্বফল অধিক অধৰ মনোহৰ ।

অমৃত সুৰস বাণী স্বৰ কোকিলৰ ॥১৮

নয়নৰ প্ৰান্তে যেন দলিত অঞ্জন ।

মদনৰ শৰ যেন কটাক্ষ ঈক্ষণ ॥১৯

সমান কৰ্ণৰ তলে কুণ্ডল জ্বলয় ।

উপৰত থাকি চিকিমিকি প্ৰকাশয় ॥২০

কুণ্ডলৰ কান্তি গণ্ডস্থলে প্ৰকাশিত ।

গলে গলপাতা মণিময় মনোনীত ॥২১

সুবলিত ভুজ যুগ দেখি লাজ পাই ।

থাকিল মৃণাল গৈয়া পঙ্কত লুকাই ॥২২

বাহুত বাহুতি শাঙ্খ দুয়ো হাতে আছে ।

ৰত্নময় বলয়া কঙ্কণ আগে পাচে ॥২৩

সুন্দৰ আঙ্গুলি পান্তি ললিত বলিত ।

সুবৰ্ণৰ আঙঠি প্ৰত্যেক আঙ্গুলিত ॥২৪

মণি চন্দ্ৰ সম নখ পৰম উজ্জ্বল ।

কৰ কিশলয় তুল ৰাতুল কমল ॥২৫

হৃদয়ত বাঢ়ে স্তন বদৰি প্ৰমাণ ।

দৰশনে যুবতৰ হৰয় পৰাণ ॥২৬

স্তন মধ্যে শোভা কৰে সাতসৰি হাৰ ।

কাঞ্চনে ৰচিত মণি মালা মুকুতাৰ ॥২৭

সুবিপুল নিতম্বক দেখিতে সুবেশ ।

হৰৰ ডম্বৰু যেন ক্ষীণ মধ্য দেশ ॥২৮

কুন্দত কুন্দলা যেন মুঠিতে লুকায় ।

বতাসতে হালে ভাগি পৰিল পৰায় ॥২৯

ৰত্নৰ মেখলা জ্বলে খোঞ্চাৰ ওপৰ ।

সুবলিত ঊৰু ৰামকল সমসৰ ॥৩০

যাক দেখি স্তম্ভি ৰহে মদনৰ মন ।

নৱ পদ্মকোষ যেন দুখানি চৰণ ॥৩১

মাণিক মঞ্জীৰ ৰুণজুন কৰি বাজে ।

সুবৰ্ণ উজটি দশ আঙ্গুলিৰ মাজে ॥৩২

পদতল ৰাতুল কমল আতিশয় ।

ফুটি যেন সাক্ষাতে ৰুধিৰ বাজ হয় ॥৩৩

প্ৰথম যৌবনী ৰাজ হংসৰ গমনী ।

সৰ্ব্বাঙ্গ সুন্দৰী কন্যা আতি বিতোপনী ॥৩৪

ত্ৰৈলোক্যৰ ৰূপ হুয়া আছে এক থান ।

অনেক যতনে বিধি কৰিলা নিৰ্ম্মাণ ॥৩৫

আতি শুভান্বিতা জনকৰ জীউ সীতা ।

বিষ্ণুত ভকতা সৰ্ব্ব গুণে আনন্দিতা ॥৩৬

আন একো নাহি তান হৰিচিন্তা বিনে ।

যেন চন্দ্ৰকলা বাঢ়ি যান্ত দিনে দিনে ॥৩৭

ৰুপগুণ সীতাৰ কৰিবে কোনে সীমা ।

স্ৰজিয়া থৈলন্ত বিধি মোহন প্ৰতিমা ॥৩৮

গুণন্ত মনত বসি জনক নৃপতি ।

কমন বৰত বিহা দিবোঁ সীতা সতী ।৩৯

সৰ্ব্ব সুলক্ষণী কন্যা পৰম সুন্দৰী ।

ইহান সমান বৰ পাইবোঁ কেনে কৰি ॥৪০

গুণি গুণি ৰাজা পাচে কৰিলন্ত সাৰ ।

মৃগ মাৰি মহাদেৱে দ্বাৰত আমাৰ ॥৪১

ধনু এৰি পূৰ্ব্বকালে গৈলা মহাশয় ।

তাতে যিতো জনে গুণ দিবাক পাৰয় ॥৪২

ইতো লক্ষ্মীসমা কন্যা বিহা দিবোঁ তাত ।

এহি অঙ্গীকাৰ ৰাজা কৰিলা সাক্ষাত ॥৪৩

আলচিয়া মনে জানকীৰ স্বয়ম্বৰ ।

মিথিলাত সভা পাতিলন্ত নৃপবৰ ॥৪৪

বিশ্বকৰ্ম্মা সম শিল্পী আমি সৰ্ব্বজন ।

কৰাইলন্ত পুৰ চিত্ৰ মন্দিৰ নিৰ্ম্মাণ ॥৪৫

অনেক উচ্ছ্ৰিত গৃহ বহল বিস্তৰ ।

প্ৰকাশ কৰয় যেন কৈলাস শিখৰ ॥৪৬

সুবৰ্ণ ৰজত ৰত্নে কৰিলা আৰম্ভ ।

অনেক সহস্ৰ ফটিকৰ দিলা স্তম্ভ ॥৪৭

হীৰা মণি মাণিক লগাইলা থানে থানে ।

কৰিলা অনেক শিল্পী জানিলেক মানে ॥৪৮

নানা ৰত্নে চিকিমিকি কৰে ঠাই ঠাই ।

সূৰ্য্যৰ জৌতিক যেন চাহন নযায় ॥৪৯

সুবৰ্ণ ৰজতে বিৰচিল স্থলী যত ।

থানে থানে মঞ্চ সজাইলন্ত নানা মত ॥৫০

ৰাজাক উচিত সিংহাসন থৈলা পাৰি ।

নানা বিধ আসন থাপিলা সাৰি সাৰি ॥৫১

ৰাজাগণ ৰহিবাক প্ৰতি নৃপবৰ ।

নানা স্থানে সজাইলন্ত যত বাসাঘৰ ॥৫২

ভোজন সম্ভাৰ বহুবিধ উপহাৰ ।

ভৰাই থৈলন্ত ৰাজা অনেক ভণ্ডাৰ ॥৫৩

অনন্তৰে মাতি আনি দূত বহুতৰ ।

সমস্তকে বচন বুলিলা নৃপবৰ ॥৫৪

দেশে দেশে যত ৰাজা আছে নিৰন্তৰ ।

সমস্তকে কহ জানকীৰ স্বয়ম্বৰ ॥৫৫

শুনি দশো দিশে দূত গৈল অসংখ্যাত ।

ঘোষিলেক স্বয়ম্বৰ সমস্তে ৰাজাত ॥৫৬

জানকীৰ স্বয়ম্বৰ শুনি ৰাজা যত ।

অমৃত পিলেক যেন হৰিষ মনত ॥৫৭

বস্ত্ৰ অলঙ্কাৰ দিয়া দূতক সাদৰি ।

পুছয় সীতাৰ কথা কহ ভাল কৰি ॥৫৮

শুনি দূতে ৰূপ গুণ বৰ্ণাৱে সবাৰ ।

কথাতে হৰয় মন সকলে ৰাজাৰ ॥৫৯

মনে গুণে কেন মতে পাইবোঁ জানকীক ।

তান্ত বিনে জীৱন যৌৱন ধিক ধিক ॥৬০

এহি বুলি ৰাজ্যভাৰ ভাৰ্য্যা পৰিহৰি ।

চতুৰঙ্গ সেনা সমে চলে শীঘ্ৰ কৰি ॥৬১

যাহন্তে গুণয় পথে মনে অৱগাই ।

জানো আগে বিহা কৰে মোত আগে পাই ॥৬২

মই আগে পাওঁ যেবে নতু পাৱে আনে ।

মোৰ আগে সীতাক নিবেক কাৰ প্ৰাণে ॥৬৩

ৰূপে গুণে সমস্তে ৰাজাত মই চাৰ ।

মোতে বৰিবেক ভাগ্য আছয় আমাৰ ॥৬৪

জনক নৃপতি ভালে জানন্ত আমাক ।

অৱশ্যে মোতেসে বিহা দিবন্ত সীতাক ॥৬৫

এহি গুণি ৰাত্ৰি দিনে পথ বহি যায় ।

উগুল থুগুল মনে সুখ শান্তি নাই ॥৬৬

হস্তী ঘোঁড়া ৰথে ৰাজাগণে নিৰন্তৰে ।

মিথিলা পশিল গৈয়া মহা আড়ম্বৰে ॥৬৭

জনকে দেখইয়া ৰাজাগণ আসিবাৰ ।

পাদ্য অৰ্ঘে পূজি কৰিলন্ত সতকাৰ ॥৬৮

বসিবাক প্ৰতি ৰাজা দিলা সিংহাসন ।

প্ৰিয় বাক্যে পুছন্ত কুশল আগমন ॥৬৯

বুলিলা সবাৰ প্ৰতি মধুৰ বচনে ।

আজি সুপ্ৰভাত তোমাসাৰ দৰশনে ॥৭০

যাৰ যাৰ কথা কৰ্ণে শুনিয়া আছিলোঁ ।

কিনো ভাগ্য তোমাসাক চক্ষুৰে দেখিলোঁ ॥৭১

এহি মতে চাটুপটু অনেক বুলিলা ।

ৰহিবাৰ প্ৰতি দিব্য বাসাঘৰ দিলা ॥৭২

অন্নপান যড়ৰস ভোজন সম্ভৃত ।

সমস্তকে দিলা যাক যেন সমুচিত ॥৭৩

এক এক ৰাজা আইল যেন দিগপতি ।

সন্তোষিলা সবাকে জনক নৰপতি ॥৭৪

পাত্ৰ মন্ত্ৰী সেনাগণ হয় হস্তী ৰথ ।

নাহি তাৰ সীমা সংখ্যা আসি আছে যত ॥৭৫

সবাকে নৃপতি ৰহিবাৰ স্থান দিলা ।

অন্নে পানে সমস্তৰে চিত্ত সন্তোষিলা ॥৭৬

এক গোটা পদ্ম ফুলি আছে সৰোবৰে ।

তাৰ মধু আশে ধাৱে ভ্ৰমৰ বিস্তৰে ॥৭৭

সেহি মতে পৃথিৱীৰ ৰাজা নিৰন্তৰ ।

জানকীক আশে আইল মিথিলা নগৰ ॥৭৮

ভৈলা এক থান ৰাজা বৰিষেক মান ।

সবাকো জনক কৰিলেক বহু মান ॥৭৯

অনন্তৰে শুভ দিন তিথি বাৰ চাই ।

জনক আনিলা সবে ৰাজাক মতাই ॥৮০

বোলন্ত নৃপতি শুনা ৰাজা নিৰন্তৰ ।

আজি পাতিবোঁহো জানকীৰ স্বয়ম্বৰ ॥৮১

এহি কাজে তুমি সব আইলা মোৰ ঠাই ।

বহু দিন প্ৰবাসত আছা দুখ পাই ॥৮২

আশা বা নিৰাশা আজি পৰিচ্ছেদা হৌক ।

বোলাঁ ৰাম ৰাম সবে সভাসদ লোক ॥৮৩


  ৩৩ অধ্যায়
        দুলৰি ।


জনকৰ বাণী,         ৰাজাগণে শুনি,

         মহত হৰিষ ভৈল ।

কৰিয়া সত্বৰ,         আসি বাসাঘৰ,

         কাছিবাক সবে লৈল ॥১

অগৰু চন্দন ,          কস্তুৰি কুম্কুম,

         ভূষিলেক সবে গাৱে ।

নানাবিধ দিব্য,          ৰত্ন অলঙ্কাৰ,

          পিন্ধিলেক ঠাৱে ঠাৱে ॥২

পাট পটোৰণে,          বিচিত্ৰ বসনে,

          ভৈল আতি জাতিষ্কাৰ ।

সুবৰ্ণৰ মালা,          শিৰত চৰায়া,

         হৰিষৰ নাহি পাৰ ॥৩

দৰ্পণ ধৰিয়া,          মুখ চায়া বোলে,

          বিধি ভৈল সুপ্ৰসন ।

মোক সমৰূপে,          ইতিনি ভূবনে,

         নাহি আৰু একজন ॥৪

ধনে জনে মান্যে,          গুণে কুলে শীলে,

          দেখিয়া মোক বিশিষ্ট ।

জনক নন্দিনী,          সীতা সুবদনী,

          মোকেসে বৰিব নিষ্ট ॥৫

এহি বুলি আতি-,         শয় ৰঙ্গমনে,

          ৰাজাগণ অসংখ্যাত ।

কাছি লাসে বেশে,          পৰম সুবেশে,

          বসিল গৈয়া সভাত ॥৬

ৰত্ন সিংহাসনে,          প্ৰকাশ কৰয়,

          ৰাজাগণ ভাল ভাল ।

মেৰুৰ ওপৰে,          যেন জৌতি কৰে,

          বসি দশ দিকপাল ॥৭

পাত্ৰ মন্ত্ৰী যত,          ৰাজাৰ পিচত,

          বসিলা গৈয়া উত্সুকে ।

আন যত জন,          মঞ্চত বসিল,

          মনত মহা কৌতুকে ॥৮

নটী নাচে গাৱে,          মৃদঙ্গ বজাৱে,

         বাৱে নানা বাদ্য তাল ।

ভাটে চাটুপাটু,          বোলে মাল সবে,

          যুজয় কৰি আষ্ফাল ॥৯

নানাবাদ্য ভণ্ডে ,          শবদ প্ৰচণ্ডে,

          কৰ্ণত হানয় তাল ।

ৰঙ্গ ঢঙ্গ বোলে ,          প্ৰজাৰ আন্দোলে,

          সাগৰ যেন উল্লাল ॥১০



  ৩৪ অধ্যায়
        ছবি ।


এহি মতে নৃপগণে,       জানকী সীতাক মনে,

       দিব্য সভা মাজে বসি আছে ।

মিথিলাৰ অধিপতি,         সভাক নিবাক প্ৰতি

        কছাইল সীতাক দিব্য কাছে ॥১

আগত সীতাক লৈয়া,         সমাজক চলি গৈলা,

        নানা বাদ্য শুভ সুমঙ্গলে ।

অনেক যুবতী নাৰী,         চলি যায় কাছি পাৰি,

        সীতাৰ সঙ্গত কৌতূহলে ॥২

যত ইষ্ট বন্ধু জন,         পাত্ৰ মন্ত্ৰী পুত্ৰগণ,

        চলি যান্ত মহা ৰঙ্গ মনে ।

হাতে দিব্য ঘট ধৰি,         নানা লাসবেস কৰি,

        গাৱন্ত মঙ্গল নাৰীগণে ॥৩

ব্ৰাহ্মণ সকলে বেদ,         পঢ়ি যানন্ত অবিচ্ছেদ,

        আতিশয় হৰিষে মনত ।

চপয়া পঢ়য় ভাট,         নটী সবে কৰে নাট,

        কৰি লয়লাস নানা মত ॥৪

মিথিলাৰ নৃপবৰে,         এহিমতে অনন্তৰে,

        প্ৰৱেশিলা স্বয়ম্বৰ শালা ।

সীতাও লগত গৈলা,         মেৰুত উদয় ভৈলা

        যেন অভিনৱ চন্দ্ৰকলা ॥৫

সীতাৰ মুখৰ কান্তি,         দশো দিশে প্ৰকাশন্তি,

        যেন পূৰ্ণচন্দ্ৰৰ উদয় ।

আছে যত ৰাজাগণ,         সবাৰে হৰিষ মন,

        দেখি আতি ভৈল তমোময় ॥৬

সীতাৰ কমল মুখ,         দেখিতে পৰম সুখ,

        সমস্তে এৰিল ধৈৰ্য্যভাৱ ।

লাজকাজ পৰিহৰি,         চাহয় নয়ন ভৰি,

        মদনে কম্পিত সৰ্ব্ব গাৱ ॥৭

নভাসয় নেত্ৰে আতি,         কৰয় মদনে সাতি,

        আস ইস কৰে উসমিস ।

জ্বলে আতি কামানল,         কৰে চিত টলবল,

        মনে একো নপাৱে উদ্দিশ ॥৮

হৃদয়ত কামশৰে,         পশি মহা পীড়া কৰে,

        কাহাৰো নুহিকে মন থিৰ ।

চেতন হৰিয়া গৈল,         বৃদ্ধ সবো যুবা ভৈল,

        দেখি ৰূপ সীতা গোসানীৰ ॥৯

নমো নমো ৰঘুনাথ,         চৰণত থৈয়া মাথ,

        মন মোৰ ৰহোক তোমাত ।

সমজ্যাৰ যত লোক,         ৰাম হৰি বুলিয়োক,

        তেবে দুখ তৰিবা সাক্ষাত ॥১০



  ৩৫ অধ্যায়
        পদ ।


বিশ্বামিত্ৰ বদতি শুনিয়ো ৰঘুবৰ ।

সভাত আছিল যত লোক নিৰন্তৰ ॥১

দেখিয়া সীতাৰ আতি ৰূপ বিপৰীত ।

কামবাণে সবাৰো মোহিত ভৈল চিত ॥২

যেহি অঙ্গে সীতাৰ পৰিল দৃষ্টি যাৰ ।

তাৰ হস্তে পুনৰপি নপলটে আৰ ॥৩

সবাৰে হৰিল মন সীতাৰ ৰূপত ।

নিসিজিল মন যেন যোগীৰ ব্ৰহ্মত ॥৪

জানকীৰ মুখ চন্দ্ৰমাক নিৰন্তৰে ।

সুন্দৰ অমৃত পিয়ে নয়ন চকোৰে ॥৫

অমৃতক দেখি যেন লুভীয়া বিস্তৰে ।

নতু পুৰে মন যেন লটপট কৰে ॥৬

সেহি মতে জানকীক দেখি ৰাজাগণ ।

কেন মতে পাইবোঁ বুলি নসম্বৰে মন ॥৭

কেহো ৰাজাগণে বসি গুণয় মনত ।

বোলোঁ গৈয়া ধৰি জনকৰ চৰণত ॥৮

তোমাৰ দুহিতা সীতা আমাক দিওক ।

ভৃত্য বুলি প্ৰভু মোকে কিনিয়া থৈয়োক ॥৯

সেৱা কৰি তোমাক থাকিবোঁ অহৰ্নিশ ।

নপাইবাহা জোৱাঁই আন আমাৰ সদৃশ ॥১০

কেহো জনে বোলয় মন্ত্ৰীৰ চাপোঁ পাশ ।

কত লক্ষ ধন দিয়া বুজোঁ তান আশ ॥১১

মন্ত্ৰীৰ অধীন ৰাজাগণ নিৰন্তৰ ।

তান বোলে কন্যা মোক দিব নৃপবৰ ॥১২

কেহো বোলে ধৰোঁ লাগ ৰাজাৰ পুত্ৰৰ ।

শাকুতি কাকুতি তাৰ কৰিবোঁ বিস্তৰ ॥১৩

হাতত ধৰিয়া বাক্য বুলিবোঁ বিনয় ।

তোমাৰ ভগিনী মোক দিয়ো মহাশয় ॥১৪

তযু ভগিনীৰ বৰ আমিসে উত্তম ।

পুছি চাৱাঁ আন কোন আছে মোৰ সম ॥১৫

শুনি ৰাজপুত্ৰে কন্যা আমাকেসে দিব ।

ৰাজায়ো পুত্ৰৰ বাক্য অৱশ্য কৰিব ॥১৬

কেহো বুলে চাটুবাণী বোলোঁহো কন্যাক ।

শুনিয়ো সুন্দৰী তুমি বৰিয়ো আমাক ॥১৭

যত ৰাজ্যভাৰ ভাৰ্য্যা আছয় আমাৰ ।

আজি ধৰি সকলো তোমাৰ অধিকাপ ॥১৮

থাকিবোঁহো আমিও তোমাৰ পালি আশ ।

কৰোঁহো শপত যদি সঞ্জাত নযাস ॥১৯

আমাক মহন্ত বুলি জানে সৰ্ব্ব লোক ।

জানিলোঁ নিশ্চয় সীতা বৰিব আমাক ॥২০

হেটমাথে বসি আলোচয় কতো জন ।

সীতাৰ সখীক বোলোঁ কাকুতি বচন ॥২১

বুজাইয়োক সীতা সতী বৰোক আমাক ।

যেহি চাহাঁ তাকে মই দিবোঁহো তোমাক ॥২২

স্ত্ৰীৰ উতলে আতি চিত্ত লোভ পাই ।

অৱশঅযে বুলিবে তেবে সীতাক বুজাই ॥২৩

নিশ্চয় ধৰিব সীতা সখীৰ বচন ।

এহি মতে আলোচে সকলে ৰাজাগণ ॥২৪

শুনিয়োক কথা আবে আত অনন্তৰ ।

সমজ্যাত উঠিয়া জনক নৃপবৰ ॥২৫

কৃতাঞ্জলি হুয়া ৰাজা বুলিলা বচন ।

সাৱধান হুয়া শুনিয়োক ৰাজাগণ ॥২৬

মহা মহা ৰাজা বহু দিন মোৰ ঠাই ।

সীতাৰ নিমিত্তে ৰহি আছা দুঃখ পাই ॥২৭

আজি সবাহানে এক পৰিচ্ছেদা হৌক ।

যিমতে কন্যাক পায় তাক শুনিয়োক ॥২৮

পূৰ্ব্বকালে হৰে মৃগ মাৰিয়া বনত ।

এৰি গৈলা ধনুখান মোৰ দুৱাৰত ॥২৯

পৰম সুদৃঢ় ধনু যেন ব্ৰজসাৰ ।

ঘৰে আনি থৈয়া কৰিলোঁহো অঙ্গীকাৰ ॥৩০

পাৰয় ধনুত যেহি গুণ লগাইবাক ।

সুচন্দ্ৰবয়নী সীতা দিবোঁহো তাহাক ॥৩১

আছোঁহো পূৰ্ব্বত এহি অঙ্গীকাৰ কৰি ।

এবে যেহি গুণ দিবে পাৰে ধনু ধৰি ॥৩২

তাহাকে বৰিব সীতা বুলিলোঁ নিশ্চয় ।

এহি বুলি লোক পাঞ্চি দিলা মহাশয় ॥৩৩

বৰ ঘৰ মাজে থৈয়া আছে ধনুখান ।

সাঙ্গি বান্ধি সমজ্যাক লাগি গৈয়া আন ॥৩৪

ৰাজাৰ বচন শুনি তেতিক্ষণে গৈল ।

অব্বুদেক লোকে ধনু সাঙ্গি কৰি লৈল ॥৩৫

কুজি মুজি হুয়া সবে আনে বল দিয়া ।

আদখান ধনু আসে মাটিতে লুটীয়া ॥৩৬

যেনে তেনে আনি সমাজৰ মাজে থৈল ।

দেখিয়া ধনুক ৰাজাগণ ভয় ভৈল ॥৩৭

আছো গুণ দিব ডাঙিবাকো নাই সাস ।

জানকীৰ মুথ চাই তেজয় নিশ্বাস ॥৩৮

সমজ্যাত ধনু থৈয়া জনক নৃপতি ।

সীতাক বোলন্ত শুনিয়োক মহাসতী ॥৩৯

তোক আশা কৰি মহা মহা ৰাজাচয় ।

ৰাজ্য এৰি বৰিষেক প্ৰবাস খাটয় ॥৪০

এক এক ৰাজা সুৰপতিৰ সমান ।

তোমাৰ কাৰণে আসি আছে মোৰ থান ॥৪১

সুবৰ্ণৰ মালা গাচি ধৰিয়া হাতত ।

এতিক্ষণে থাকাঁ গৈয়া সভাৰ মাজত ॥৪২

ধনুত লগাইবে গুণ যিজনে পাৰয় ।

সেহি নিজ পতি তযু জানিবা নিশ্চয় ॥৪৩

তান মাথে মালা দিয়া কৰি নমস্কাৰ ।

বৰিবাহা গই একো নকৰি বিচাৰ ॥৪৪

শুনিয়া জানকী পাচে পিতৃৰ বচন ।

সখীৰ মাজক চলি গৈলা তেতিক্ষণ ॥৪৫

সুবৰ্ণৰ মালা মাৱ হাতে তুলি লই ।

পৃথিৱীক নিৰক্ষীয়া থাকিলন্ত ৰই ॥৪৬

জনকে বুলিলা ৰাজাগণক বচন ।

লগায়ো পচাৰ জানকীক যাৰ মন ॥৪৭

জনকৰ বাণী শুনি কতোহো নৃপতি ।

কৰন্ত যতন গুণ লগাইবোক প্ৰতি ॥৪৮

কৰে উসমিস উঠে বসে কতো জন ।

আগে পাচে চাৱে কতো চোবাৱে দশন ॥৪৯

বাহু নিৰখীয়া কতো ফোফয় যেন নাগে ।

ভাঙ্গো ধনু আজি কোন বস্তু মোৰ আগে ॥৫০

দেখোক সকলে বাহুবলৰ মহত ।

প্ৰথমত উঠি গৈলা ৰাজা শুভদত্ত ॥৫১

ওচৰ চাপিয়া গৈয়া আষ্ফোট কৰিল ।

বাহু দাম্ফি মাৰি বীৰে ধনুক ধৰিল ॥৫২

অনেক যতনে ধনু ধৰি বল দিল ।

গুণ দিবে ছাৰি লাৰিবাকো নপাৰিল ॥৫৩

শুভদত্ত ৰাজাৰ ভাগিল চটীমটী ।

লাজ হুয়া আসনত বসিলা পালটী ॥৫৪

অতি অনন্তৰে শতধনু নৃপবৰ ।

মই গুণ দিবো বুলি চাপিলা ওচৰ ॥৫৫

দশন কামুৰি শৰীৰৰ বলে ধৰি ।

কতো বেলি চাহিলেক দঙ্গাদঙ্গি কৰি ॥৫৬

বল দিয়া চাইল ৰাজা অনেক প্ৰকাৰে ।

আছো গুণ দিব ধনু লাৰিবে নপাৰে ॥৫৭

তাক দেখি হাসিলন্ত সকল সমাজ ।

বসিল উলটি শতধনু হুয়া লাজ ॥৫৮

তাত অনন্তৰে মগধৰ নৰেশ্বৰ ।

আতি বৰ বলবন্ত পৰম প্ৰখৰ ॥৫৯

মই গুণ দিবোঁ বুলি হাম্ফোলিয়া গৈল ।

উলটি বসিল আতি মৰা হেন ভৈল ॥৬০

লাৰিবে নপাৰে ধনু অনেক যতনে ।

তাক দেখি ৰিঙ পাৰি হাসে সৰ্ব্ব জনে ॥৬১

মগধ ৰাজাৰ মহা গৰ্ব্ব ভাঙ্গি গৈল ।

উলটি বসিল আতিশয় লাজ ভৈল ॥৬২

ক্ষীৰোদধি তীৰে বসে উত্তৰ দিশত ।

সনাতন নামে ৰাজা অনন্ত ভকত ॥৬৩

হুঙ্কাৰতে সমস্তে ৰাজাৰ মান লয় ।

লক্ষ্মী সৰস্বতী যেবে কন্দল কৰয় ॥৬৪

দুইকো বুজাই ৰাজা ভাঙ্গয় কন্দল ।

পৰম বিক্ৰমী আতিশয় মহাবল ॥৬৫

হেন ৰাজা গুণ দিবে গৈলা বলে ৰাগি ।

ডাঙ্গিবাকো নপাৰি বসিল গৰ্ব্ব ভাগি ॥৬৬

বৰ বৰ ৰাজা লাজ ভৈল বিপৰীত ।

দেখি সবে নৃপতিৰ চমকিল চিত ॥৬৭

বলহীন মন ভৈল মুণ্ড নলাৰয় ।

পৰিল নিজম হুমনিশ্বাস তেজয় ॥৬৮

নোতোলয় মাথা মনে মিলে মহাদুখ ।

কেৰ চকু কৰি জানকীৰ চাৱে মুখ ॥৬৯

ধনুক দেখিয়া পুনু চপৰাৱে মাথ ।

বিবৰ্ণ বদনে গুণে গালে দিয়া হাত ॥৭০

হৰি হৰি আজি বিধি কি কাম কৰিলোঁ ।

মান্য হেৰুৱাইলোঁ আউৰ লাজতে মৰিলোঁ ॥৭১

ধনুত লগাইবে গুণ গৰ্ব্ব কৰি গৈলোঁ ।

আছোক লগাইবোঁ গুণ লঘু মাত্ৰ ভৈলোঁ ॥৭২

আগে জানো নপাৰিবোঁ উঠি গৈলোঁ কিক ।

সমাজত লঘু ভৈলোঁ মৰণতোধিক ॥৭৩

আসিলোঁহো যত ৰাজ্য ভোগ পৰিহৰি ।

বৰিষেক আছোঁ জানকীক আশা কৰি ॥৭৪

সীতাক নপাইলোঁ আৰু গৰ্ব্ব ভৈল ছণ ।

ধনু ৰূপে বিধাতা কৰিলে বিড়ম্বন ॥৭৫

আপোনাৰ নিজ ভাৰ্য্যা কৰি পৰিহাৰ ।

জানকীৰ আশা মাত্ৰ কৰিলোঁ অপাৰ ॥৭৬

নপাইলোঁহো সীতাক লভিলোঁ বৰ দুখ ।

কিমতে চাহিবোঁ পূৰ্ব্ব কামিনীৰ মুখ ॥৭৭

আমাক এৰিয়া বিহা কৰিবাক গৈলা ।

কি কাৰ্য্যক আমাৰ পাশক আহি ভৈলা ॥৭৮

যি জনীক ৰাজা আনি আছা বিহা কৰি ।

হৈবেক সিজনী জানো পৰম সুন্দৰী ॥৭৯

তাইৰ পাশত থাকাঁ কৰি সুখভোগ ।

আমি পুনু নৃপতি তোমাৰ নোহোঁ যোগ ॥৮০

এহি মতে বিস্তৰ কৰিব পৰিহাস ।

চাপিবোঁ কিমতে আবে তাসম্বাৰ পাশ ॥৮১

কিসক আসিলোঁ মই কি কাম কৰিলোঁ ।

সীতাৰ আশায়ে নিজ ভাৰ্য্যাতো নৰৈলোঁ ॥৮২

এক বাস চাহন্তে হেৰুইলোঁ দুয়ো বাস ।

এহি বুলি ঘনে ঘনে তেজয় নিশ্বাস ॥৮৩

দিবে পাৰোঁ ধন জন যতেক খোজয় ।

ধনুত লগাইবো গুণ কিসক বোলয় ॥৮৪

নভৈল সুবুদ্ধি ইটো জনক ৰাজাৰ ।

কিসক কৰিল হেন মত অঙ্গীকাৰ ॥৮৫

ধনুত লগাইবে গুণ নপাৰিলে কেৱে ।

জানিলোঁহো জীয়াৰী নিবে মহাদেৱে ॥৮৬

আমি সবে গৃহক নযাইবোঁ এতিক্ষণ ।

ধনুত লগাইবে গুণ চাহোঁ কোন জন ॥৮৭

এহি বুলি গোষ্টি কৰি যতেক নৃপতি ।

সয়ম্বৰ সভা মাঝে আছন্ত সম্প্ৰতি ॥৮৮

আমি চলি যাওঁ আসা সেই সমজ্যাক ।

পাৰিবা ধনুত তুমি গুণ লগাইবাক ॥৮৯

তোমাৰ বিক্ৰম ৰাম কহিবোঁহো কিক ।

ধনু ভাঙ্গি বিবাহ কৰিয়ো জানকীক ॥৯০

জানকীৰ স্বয়ম্বৰ শুনি অনুপাম ।

হাসিয়া ঋষিক পাচে বুলিলন্ত ৰাম ॥৯১

শুনা ঋষিৰাজ মই কহোঁ স্বৰূপত ।

পিতৃয়ে পঠাই আছে তোমাৰ লগত ॥৯২

যি কাৰ্য্যক লাগি তুমি পাঞ্চাহা আমাক ।

অৱশ্যকে লাগে মোৰ তাকে কৰিবাক ॥৯৩

বুলিলাহা যাওঁ তযু সঙ্গে মিথিলাক ।

কেন মত ধনুখান দেখিবোঁহো তাক ॥৯৪

ৰামৰ বচনে বিশ্বামিত্ৰ ৰঙ্গ ভৈলা ।

ৰাম লক্ষ্মণক ঋষিৰাজ লগে লৈলা ॥৯৫

কুতূহলে মিথিলাক কৰিলা গমন ।

পিচত চলিলা অসংখ্যাত শিষ্যগণ ॥৯৬

কতো দূৰ যান্তে ভৈলা সূৰ্য্য অস্তগত ।

বহিলন্ত গৈয়া এক নদীৰ কুলত ॥৯৭