আখৰৰ ৰেলগাড়ী
আখৰৰ ৰেলগাড়ী
সপোন মাধুৰী দত্ত
পৰিবেশক:
বীণা লাইব্ৰেৰী
কলেজ হোষ্টেল ৰোড্
পাণবজাৰ, গুৱাহাটী—৭৮১০০১
ĀKHARAR RELGĀRI— Poems on Assamese vowels for Children written and Published
by Smt. Sapan Madhuri Dutta, Sailendra Bhawan, Silpukhuri, Guwahati-781003.
Price: Rs 6'00 (Rupees Six only.)
প্ৰকাশিকা : সপোন মাধুৰী দত্ত
শৈলেন্দ্ৰ ভৱণ
শিলপুখুৰী, গুৱাহাটী-৭৮১০০৩
লেখিকাৰ দ্বাৰা সৰ্বস্বত্ব সংৰক্ষিত।
বেটুপাত : ত্ৰৈলোক্য দত্ত
অঙ্গসজ্জা : অভিশ্ৰুতি দত্ত
প্ৰথম প্ৰকাশ : আগষ্ট, ১৯৮৮ চন।
মূল্য : ছয় টকা মাত্ৰ।
মুদ্ৰক :
ইন্দু-নাৰায়ণ প্ৰিন্টিং ওৱাৰ্কচ
১৫বি, ৰায় বাগান ষ্ট্ৰীট
কলিকতা-৭০০০০৬
দুৱাৰ দলিৰ পৰা এষাৰ
নিজৰ ঘৰুৱা জীৱনৰ আৰু চুবুৰীৰ শিশুসকলৰ বিভিন্ন আৰু বিচিত্ৰ অভিজ্ঞতা সমূহকে চিত্ৰিত কৰিছে শ্ৰীমতী নিজৰা (সপোন মাধুৰী) আইদেৱে, তেওঁৰ এই কৱিতা খিনিত। তেওঁৰ শিশু প্ৰেমৰ পৰিচয় ইয়াৰ পাতে পাতে! ছন্দৰ দুই এটা উজুটি ভাব আৰু বিষয়ৰ বৈচিত্ৰই সাৱলীল কৰি লৈ গৈছে। এতিয়া, যাৰ বাবে এই কিতাপখন লেখা হৈছে তেওঁলোকে কেনে পায় সেইটো চোৱা যাওঁক! দাপোণত মুখ চাই ডাঙৰে ভালপায়, শিশুৱেও নিশ্চয় পাব।
১৬।১১।৮৭ | আশীৰ্ব্বাদেৰে⸺ নৱকান্ত বৰুৱা |
অপৰ্ণ
মুঙ্কু, নাইনা
মামু, মাইনা
লাকী, দীপ, শিখা, জুলি;
আখৰৰ ৰেলগাড়ী
দিলো হাতত তুলি
সকলোকে দিবা বুলি।
—লেখিকা
অ কণি এধানি আমি ভাই-ভণী।
আ ইৰ জুৰাওঁ নিতে বুকু খনি॥
ই মান চেনেহ ইমান যে দয়া।
ঈ শ্বৰে লবলৈ দিছে ছঁয়া॥
উ ম্ পাওঁ আইৰ কোলাতে বিচাৰি।
ঊ স্ বুলিলেও আই আহে লৰি॥
ঋ তু বৰষাৰ বৰষুণৰ দৰে।
এ বুকু আইৰ মৰম উপচি পৰে॥
ঐ দেহি! ই যে কেনে মৰম-ভাৰ।
ও লোমাও আইৰে চেনেহ হাৰ॥
ঔ গহত মৌচাক ভৰে যিদৰে।
আইৰ মাততো মৌ সৰে সিদৰে॥
অকণমান অংশুমান
খেলাত বৰ খ্যাতিমান
লুটি বাগৰ মাৰি মাৰি খেলে,
বিছনাকে ‘পিট্চ’ কৰি
মাৰে বল টুপ্ কৰি
বেট্-টেট্ নহ’লেও চলে॥
হাত দুখন মুঠি মাৰি
যেনেকৈহে উফাল মাৰি
(যেন) বল ‘কেট্ছ’ ধৰিবলৈ নিয়ে,
নিজেও বলৰ দৰে
ঘূৰি ঘূৰি বাগৰ মাৰে
কল্কলাই ‘কমেন্টেৰি’ও দিয়ে॥
কপিলৰ দৰেই হাঁহে
দাঁতবোৰহে নাই পিছে
দেখিলেই মৰম লাগি যায়,
আঠমহীয়া অংশুমান
যেতিয়াই তেতিয়াই অভিমান
কান্দিবলৈও বৰ ভাল পায়॥
আই ঐ দেহিটি জিষ্ণু বোপাটি
কেনেকৈ চোৱা হাঁহিছে,
চুৰিয়া পঞ্জাৱী যেনেকৈহে পিন্ধি
দৰা হৈ যেন সাজিছে!
অফুট্ মাতেৰে অবুজ ভাষাৰে
কিবাবোৰ কৈ বহিছে,
থুপুক্ থাপাক্ খোজৰ পাকত
কিমানবাৰ যে পৰিছে!
জোন যেন শুৱনী এধানি মুখনি
হাঁহিত জেউতি চৰে,
চকুত ‘চছ্মা’ হাতত ঘড়ীৰে
কত কিনো ভাও ধৰে।
ইমান মন যায় ৰুঙ্কুমণিৰ ৰুঙ্কুৱে হাঁহি পিন্ধি চাই দেখিলে
|

এই লেখা ক্ৰিয়েটিভ কমন্স এট্ৰিবিউচন-শ্বেয়াৰ এলাইক 4.0 আন্তৰ্জাতিক অনুজ্ঞাপত্ৰৰ অধীনত মুকলি কৰা হৈছে, ইয়াৰ মতে আপুনি এই লেখাৰ অনুজ্ঞাপত্ৰ পৰিবৰ্তন নকৰাকৈ আৰু স্পষ্টকৈ উল্লেখ কৰি, আৰু মূল লেখকৰ নাম উল্লেখ কৰি বিনামূলীয়াকৈ ব্যৱহাৰ, বিতৰণ, আৰু বিকাশ কৰিব পাৰিব—আৰু যদি আপুনি বিকল্প, পৰিবৰ্তন, বা এই লেখাৰ পৰা অন্য কোনো লেখা প্ৰস্তুত কৰে, সেই লেখাও একে অনুজ্ঞাপত্ৰৰ অধীনতহে মুকলি কৰিব পাৰিব।

এই লেখাটো মুক্ত আৰু ইয়াক সকলোৱে যি কোনো কাৰণত বা যি কোনো উদ্দেশ্যেত ব্যৱহাৰ কৰিব পাৰে। আপুনি যদি এই সমল ব্যৱহাৰ কৰিব বিচাৰে, তেন্তে আপুনি অনুমতি বিচৰাৰ প্ৰয়োজন নাই যেতিয়ালৈকে এই পৃষ্ঠাত উল্লিখিত অনুজ্ঞাপত্ৰৰ প্ৰয়োজনীয়তাসমূহ অনুসৰণ কৰে।
ৱিকিমিডিয়াই ই-মেইলযোগে এই লেখাৰ স্বত্বাধীকাৰীৰ পৰা এই লেখাক এইখন পৃষ্ঠাত উল্লিখিত স্বৰ্তসমূহৰ অধীনত ইয়াৰ ব্যৱহাৰৰ অনুমোদন লাভ কৰিছে। এই বাৰ্তালাপক এজন OTRS সদস্যই পৰিদৰ্শন কৰিছে আৰু ইয়াক আমাৰ অনুমতিৰ সংগ্ৰহালয়ত সংৰক্ষণ কৰি ৰখা হৈছে। এই বাৰ্তালাপ বিশ্বাসযোগ্য স্বেচ্ছাসেৱসকলৰ বাবে উপলব্ধ আছে।