এই পৃষ্ঠাটোৰ বৈধকৰণ হৈছে
““ঔৰে গছতে মৌৱে বাঁহ ললে”
বিয়া নাম গায়,
গপচত আনৰ মঞ্চত উঠি
চুম্কি যিহে যায়!
কালৈকো ভয় নকৰে সমূলি
যেনেকৈহে চাই,
কেৰাহিকৈ যি মিচিকাই হাঁহে
চকু পিৰিকাই।
‘তই’ বুলিলেই জঁয় পাৰি যায়
মুখ ওফন্দাই।
তলমূৰ কৰি চকুপানী মচি
হব খোজে ঘাই।
ডাঁৰত কাপোৰ এখনি কাৰো
থবকে নোৱাৰি,
টোপোলা কৰি সোপাকে ধোৱে
‘চাৰ্ফ’ত মোহাৰি।
আলহি গ’লে সোধ-পোছ কৰে
লচ্পচ্ ক’ই,
‘প্লেট্’ ভৰাই বিস্কুট-টফিকে
যাচি দিয়ে গৈ।
