এই পৃষ্ঠাটোৰ বৈধকৰণ হৈছে
কীৰ্ত্তন ৩]
৫৪৫
সহস্ৰ নাম বৃত্তান্ত
তৃতীয় কীৰ্ত্তন
ঘোষ॥ হৰি গোৱিন্দ অৰৱিন্দ-লোচন ৰাম।
মোৰ মুখে নছাড়োক ৰামকৃষ্ণ-নাম।৷ ৩
পদ॥ আছিলা নাৰদ ঋষি ব্ৰহ্মাৰ সভাত।
বিচাৰিলা অনেক শাস্ত্ৰৰ অৰ্থ তাত॥
পিতৃ-মুখে বেদৰ আছিলা অৰ্থ শুনি।
পাছে পৃথিৱীক লাগি আসিলন্ত মুনি।৷ ২৩
বিষ্ণুত ভকত ঋষি বিষ্ণুতেসে ধ্যান।
সদায়ে বিষ্ণুত পৰে নভাষন্ত আন।
হাতে বীণা ধৰি মাধৱৰ গুণ গান্ত।৷
মাধৱৰ গুণ-নাম লোকত শুনা॥ ২৪
ফুৰন্ত পৱিত্ৰ কৰি তিনিও লোকক।
অনন্তৰে চলি গৈলা ঋষি-সমাজক।৷
নৈমিযাৰণ্যত আছে ঋষিৰ সমাজ।
ৰঙ্গে তৈত প্ৰবেশ ভৈলন্ত ঋষিৰাজ।৷ ২৫
দেখিলা ব্ৰাহ্মণ সৱে নাৰদ আসিলা।
গাৱ চালি আসন আনিয়া তাঙ্ক দিলা।৷
অতিশয় হৰিষে কৰিয়া নমস্কাৰ।
হেন প্ৰশ্ন কৰিলন্ত জগততে সাৰ।৷ ২৬
পা• ২৩॥ অৰ্থ তাত-সাৰ তত্ত্ব।