এই পৃষ্ঠাটোৰ বৈধকৰণ হৈছে
কীৰ্ত্তন ৩ ]
৪৩১
দামোদৰ-বিপ্ৰাখান
পৰম সঙ্কোচ ভৈলা দ্বিজবৰ
কৃষ্ণৰ শুনিয়া বাণী॥
চাউল-চিৰামুঠি নেদন্ত কৃষ্ণক
লাজে চপৰাই মাথ।
হেন দেখি পাছে মনত গুণন্ত
তিনিও লোকৰ নাথ॥ ১৭
ইটো দ্বিজবৰে পূৰ্ব্বতো আমাক
লক্ষ্মী-কামে নৰাধিলা।
ভাৰ্য্যাৰেসে প্ৰীতি সাধিবাক প্ৰতি
আমাৰ ঠাইক আসিলা॥
মনুষ্য-দুৰ্ল্লভ পৰম সম্পদ
দিবো আঙ্ক আজি আমি।
কানিৰ টুপলি বিচাৰি আনিলা
আপুনি জগত-স্বামী॥ ১৮
ইটো কি বুলিয়া টুপলি মেলিয়া
সখিক বুলিলা বাক।
ইটো চাউল-চিৰা জগতে সহিতে
তৃপিতি কৰে আমাক॥