এই পৃষ্ঠাটোৰ বৈধকৰণ হৈছে
৩৮৯
কীর্ত্তন-ঘোষা
দোভাইৰ পাৱক পখালি শিৰত
লৈয়া পাদোদক-জল।
গন্ধ পুষ্পে ধূপে বসনে পুজিয়া
কৰিলা জন্ম সাফল॥ ২
পৰম সাদৰে কৃষ্ণৰ চৰণে
কোলাত লৈয়া ঝাক্তিলা।
প্ৰণতি-পূৰ্ব্বকে তুতি কৰিবাক
অক্ৰুৰে পাছে লাগিলা॥
সাধিলা আনন্দ কিনো নাৰায়ণ
সবান্ধৱে বধি কংস।
দুঃখৰ উদ্ধাৰ কৰি পুনৰপি
বঢ়াইবাহা যদু-বংশ॥ ৩
তোমাৰ ভকতি, পৃথক পাষণ্ডে
কৰয় যেৱে উচ্ছন।
সত্তৰ ৰক্ষাৰ হেতু অৱতাৰ
হোৱা তেৱে নাৰায়ণ॥
সম্প্ৰতি আপুনি বসুদেৱ-গৃহে
ৰামে সমে অৱতৰি।