এই পৃষ্ঠাটোৰ বৈধকৰণ হৈছে
দ্বাদশ খণ্ড
গোপী-উদ্ধৱ-সংবাদ
ঘোষা॥ মাধৱ মধুসুদন ৰাম।
ভকত-বৎসল কৰোঁ প্ৰণাম॥ ১
পদ॥ বিৰহে আকুল গোপীক জানি।
উদ্ধৱক মাতি বুলিলা বাণী॥
আমাত পৰম তুমি ভকত।
যায়ো গোকুলত চড়ি ৰথত॥ ১
বচন-সন্দেশ গোপীত কই।
প্ৰবোধ দিবা কতো দিন ৰই॥
গৈলন্ত উদ্ধৱ গোপ-নগৰী।
আদৰিলা নন্দে আতি সাদৰি॥ ২
যশোদা কান্দন্ত কৃষ্ণক স্মৰি।
চক্ষুৰ লোহ পড়ে সৰসৰি॥
সোধন্ত ৰাম-মাধৱৰ কথা।
এড়িলন্ত কৃষ্ণে আমাৰ বেথা॥ ৩