এই পৃষ্ঠাটোৰ বৈধকৰণ হৈছে
তৃতীয় খণ্ড
পাষণ্ড-মৰ্দ্দন।
প্ৰথম কীৰ্ত্তন
ঘোষা। কলিৰ ধৰ্ম্ম হৰি-নাম জান।
পাপীৰ নিন্দাত নেদিবা কাণ॥১
পদ॥ কহিলা শুকে বেদান্তৰ মৰ্ম্ম।
শুনা পৰীক্ষিত কলিৰ ধৰ্ম্ম॥
কলিসি শ্ৰেষ্ঠ চাৰি যুগ মাজে।
প্ৰশংসে কলিক জ্ঞানী-সমাজে॥ ১
অপ্ৰয়াসে সিজে, কলিত পুণ্য।
কলিৰ শুনা কেন মহাগুণ॥
কৰিয়া কীৰ্ত্তন কলিত আতি।
পাৱে বৈকুণ্ঠক ছত্ৰিশ জাতি॥ ২
সত্য যুগে কৰি ধ্যান সমাধি।
ত্ৰেতাত সমস্তে যজ্ঞ আৰাধি॥ .
দ্বাপৰে পূজি নানা ভক্তিভাৱে।
কলিত কীৰ্ত্তনে সি গতি পাৱে ॥ ৩
