শ্ৰীশ্ৰী বিশ্বকৰ্মা পাঁচালী
 | এই পাঠ্যৰ উৎস গ্ৰন্থ বা নথি অজ্ঞাত। প্ৰামাণ্যতাৰ সবিশেষ জানিবলৈ অনুগ্ৰহ কৰি এই পাঠ্যৰ আলোচনা পৃষ্ঠা চাওক। "উৎস"ৰ অৰ্থ এই কামৰ প্ৰতিলিপি আনে বিচাৰি পাব পৰা স্থান। সাধাৰণতে ই ৱিকিমিডিয়া কমন্সত আপল'ড কৰা আৰু মুদ্ৰণ সংশোধন কৰিব পৰা মূল কামৰ স্কেন ফাইল। যদি নাই, তেন্তে এটা URL হ'লেও দিয়া উচিত; একো নাথাকিলে অনুগ্ৰহ কৰি আলোচনা পৃষ্ঠাত কাৰণ উল্লেখ কৰিব। |
- ।।শ্ৰীশ্ৰী বিশ্বকৰ্মাৰ জন্ম বৃত্তান্ত।।
- নাৰায়ণং নমস্কৃত্য নৰঞ্চৈব নৰোত্তমস্
- দেৱীং সৰস্বতীঞ্চৈৱ ততো জয়মুদীৰয়েত্।।
- নৈমিষ অৰণ্য ধৰামাজে আতি বিতোপন
- ঋষিমুনি সবে কৰে ধৰ্ম আলোচনা।।
- দেৱতাৰ লীলা-খেলা যতই সমস্যা
- তাহাতেই সমাধান হোৱই অৱশ্য।।
- আনন্দে বহিয়া সবে কৰে আলোচন
- সব ঋষিগণে সৌতিক কৰি সম্বোধন।।
- বিশ্বকৰ্মা বিশ্বশিল্পী ৰূপে ভৈলা বাখান
- সৌতৈ বোলে শুনা সবে অদ্ভূত কথন।।
- সৃষ্টি পাতি ব্ৰহ্মাদেৱে ভাৱয় অন্তৰে
- বিশ্বৰ কৰ্মভাৰ দিওঁ কাৰ কৰে।।
- অতীব কঠিন কাম আছে পৃথিৱীত
- অসম্ভবো সম্ভৱ কৰ্ম কৰিব মহীত।।
- পুত্ৰ চিন্তা কৰি বিধি ধ্যানত বহিলা
- সুচিত্ৰ কৰ্মকাৰক মানস কৰিলা।।
- ধ্যান অন্তে বিশ্বকৰ্মা হৰ্ষ হইয়া মনে
- জনম লভিলা বিধি নাভি পদ্মাসনে।।
- জনমিয়া বিষ্ণু ধ্যান কৰিয়া কুমাৰ
- বিষ্ণুনাম হৃদিমাজে কৰিলন্ত সাৰ।।
- পিতৃক প্ৰণাম কৰিলা ভক্তি ভৰে
- মাথে হস্ত দিয়া পিতৃ আশীৰ্ব্বাদ কৰে।
- হোৱা পুত্ৰ যশবান সংসাৰ মাজত
- থাকিব তোমাৰ যশ তিনিও লোকত।।
- হৃস্তচিত্তে ব্ৰহ্মাদেৱে স্ৰজিলা কুঞ্জৰ
- পুত্ৰৰ বাহন কৰি দিলন্ত সত্বৰ।।
- ।।চক্ৰ আৰু বজ্ৰ নিৰ্মাণ।।
- হয়গ্ৰীব নামে এক অসুৰ আছিল
- একদিনা ভগৱন্তে তাহাঙ্ক বধিলা।।
- সেহি অসুৰৰ অস্থি আনি জনাৰ্দন
- বিশ্বকৰ্মাৰ হাতে দিলা চক্ৰৰ কাৰণ।।
- দেৱশিল্পী গঢ়ে চক্ৰ অতিকে সুন্দৰ
- অপূৰ্ব হাড়ৰ চক্ৰ আতি ভয়ঙ্কৰ।।
- অদ্ভূত আকাৰ চক্ৰ ধৰি দেৱ হৰি
- ভক্তজনে ৰক্ষা কৰে সেই চক্ৰ ধৰি।।
- হেন বিশ্বকৰ্মাক সহস্ৰ নমস্কাৰ
- য়াৰ কৰ্মে দেৱ হৰি ৰাখিছে সংসাৰ।।
- তাৰ পাছে শুনা সবে ইন্দ্ৰ বজ্ৰ খণ্ড
- বৃত্ৰাসুৰে দেৱ পুৰী কৰে লণ্ড-ভণ্ড।।
- সব দেৱজাক মিলি বিষ্ণু আগে যায়
- হৰি দুঃখ নহৰিলে আন গতি নাই।।
- দেৱৰ প্ৰাৰ্থনাত হৰি তুষ্ট ভৈলা
- বৃত্ৰাসুৰ বধ উপায় কহিবে লাগিলা।।
- শুনা শুনা দেৱজাক হুইয়া মতি
- বিশ্বকৰ্মা দেৱশিল্পী খণ্ডাব দুৰ্গতি।।
- মহৰ্ষি দধিচী আগে প্ৰাৰ্থনা কৰিবা
- বজ্ৰ নিৰ্মাণক লাগি অস্থি খুজি লৈবা।।
- মহা জ্ঋানবন্ত মুনি দেৱ হিতকৰ
- দেহ ত্যাগী দিব অস্থি আনাহা সত্বৰ।।
- হৰিৰ আদেশে দেৱে অস্থিক আনিলা
- বিশ্বকৰ্মাই নিমিষে বজ্ৰ বনাইলা।।
- সেই বজ্ৰে অসুৰক বধিলা সাক্ষাতে
- তথাহন্তে সেই বজ্ৰ থাকে ইন্দ্ৰ হাতে।।
- ।।অস্ত্ৰ, বাদ্য, যজ্ঞশালা নিৰ্মাণ।।
- এক মন হুইয়া শুনা মুনিগণ
- বিশ্বকৰ্মাৰ গুণ ৰাজি কৰিম বৰ্ণন।।
- দুৰন্ত মহিষাসুৰ আতি ভয়ঙ্কৰ
- তাৰ ভয়ে দেৱজাকে কৰে হাহাকাৰ।।
- অসুৰ বিনাশ হেতু চিন্তে দেৱগণ
- শক্তি অবিহনে দৈত্য নহব নিধন।।
- দেৱসৱৰ তেজ হন্তে দেৱী জন্ম ভৈলা
- দহ কৰে মুৰ সৱে নানা অস্ত্ৰ দিলা।।
- নিৰ্মিলা পৰশু এক আতি তীক্ষ্ণ কৰি
- শক্তি হেতু দিলা বিশ্বকৰ্মা গঢ়ি।।
- চণ্ডেশ্বৰী নাম লৈ সেই অস্ত্ৰ ধৰি
- হেলাৰঙে অসুৰক বধে তাৰাতাৰি।।
- সৌতি কয় শুনা সৱে শিল্পী নোহে সৰু
- অস্ত্ৰ কিবা সাৰ গঢ়ে হৰৰ ডম্বৰু।।
- মহা মানিক্যৰ গঢ়া কলহ লক্ষ্মীৰ
- তাকো গঢ়ি দিলে বিশ্বকৰ্মা ধীৰ।।
- ভাৰতীৰ হস্তে যিটো যন্ত্ৰ বীণা
- বিয়াল্লিচ ৰাগিনী সহ বিশ্বকৰ্মা জানা।।
- মনুষ্যৰ হস্তে আছে যি যি কৰম
- সকলো জানিব বিশ্বকৰ্মা অৱদান।।
- নন্দী গাওঁত ৰাজভবন কৰিলা নিৰ্মাণ
- ৰাজ্যভাৰ ভৰতক দিলা নাৰায়ণ।।
- সেই গাওঁত ভৰদ্বাজ মুনি অপোধন
- যজ্ঞ শালা ভৰদ্বাজ কৰিলেক ধ্যান।।
- ধ্যান শেষে মহাশিল্পী ব্ৰহ্মাৰ কুমাৰ
- দ্বিতীয় অমৰাপুৰী আতি মনোহৰ।।
- দিব্য ধনুৰ্বান বিশ্বশিল্পীৰ নিৰ্মাণ
- ৰামক অগস্ত মুণি কৰিলন্ত দান।।
- বিধিৰ বৰত ৰাবন জিনে ত্ৰিভূবন
- লংকাপুৰী গঢ়ে মহাশিল্পী জন।।
- কল-কব্জা বিমাণ যত মহাযান
- একে একে বিশ্বকৰ্মা কৰিলা নিৰ্মাণ।।
- লৌহ কাষ্ঠ যত যত ধাতুৰ ব্যৱহাৰ
- বাহ আদি তৃণ-তৰু সবাৰ উপকৰা।।
- নানা সৰঞ্জাম লাগে মনুষ্যক
- শিল্পীৰ জ্ঞানে লাভ কৰে সব সমস্যাক।।
- সকলো কৰ্মৰে হয় বিশ্বকৰ্মা দাতা
- মনুষ্যৰ উপকাৰী পৰম দেৱতা।।
- অনুদিলা ধৰিত্ৰীদ্বিজ শিল্পীৰ গুণগাণ
- কলি কালে শিল্পী বিনা নাহি নাহি আন।।
- ।।বিশ্বকৰ্মাৰ পুত্ৰ আদি।।
- কহয় সৌতি মুণি শুনা মুণিগণ
- বিশ্বশিল্পীৰ পুত্ৰ-কন্যা আতি বিতেপান।।
- বিশ্বকৰ্মা ঘৰিণী হয় গোপিনী ভামিনী
- পতিব্ৰতা সতীতেন অপূৰ্ব শুৱনি।।
- নৱপুত্ৰ জন্ম ভৈল গোপিনী উদৰে
- নানা বিদ্যা দানি থাপিলা পুত্ৰৰে।।
- সৰ্ব কৰ্মে পুত্ৰগণ ভৈলাহা শিক্ষিত
- আৰু কোনো কৰ্ম নাই ধৰাৰ মাজত।।
- বিশ্বকৰ্মা মানাপুত্ৰ নল মহাধীৰ
- সিন্ধু মাজে সেতু কৰিলন্ত স্থিৰ।।
- শিলাখণ্ডে সাগৰত কৰিলা বন্ধন
- মাজে শিৱ লিংগ কৰিলা স্থাপন।।
- লিঙ্গ পূজা কৰে ৰাম আনন্দ অপাৰ
- দেৱজাকে প্ৰসংশিলা ৰামক বাৰবাৰ।।
- জম্বু দ্বীপে শিৱলিঙ্গ আছে যতমান
- লোক সৱে আনন্দেৰে কৰয় পূজন।।
- ।।জগন্নাথ নিৰ্মাণ।।
- ইন্দ্ৰদ্যুন্ম নামে ৰজা পুত্ৰবত্ পালে প্ৰজা
- বিষ্ণুক কৰয় সদা তুতি;
- ৰজাৰ প্ৰাৰ্থনাত আনন্দিত নাৰায়ণ
- ৰাজগৃহত আহে শীঘ্ৰ গতি।।
- বিষ্ণুক ভাবি মহাৰাজ সুখে নিদ্ৰা যায়
- দেখিলন্ত স্বপ্ন অদ্ভূত;
- চাৰি বাহু অস্ত্ৰ ধৰি দেখা দিলা শ্ৰীহৰি
- শুনা ৰজা আমাৰ বচন;
- ধন্য হেৰা মহাৰাজ তোমাৰ মনে শুভ আশ
- প্ৰতিমাৰ কৰিছাহা মন।।
- সমুদ্ৰ পাৰে যাবা তাত এক কাষ্ঠ পাবা
- আনি কৰা প্ৰতিমা সাজন।।
- অদ্ভূত স্বপ্ন দেখি ৰজা ভৈলা চমকিত
- বিষ্ণুৰূপ কৰিলন্ত ধ্যান;
- যতন কৰিয়া কাষ্ঠ আনিলন্ত মহাৰাজ
- প্ৰতিমা গঢ়াৰ মন।।
- বিশ্বকৰ্মা দেৱ হৰি ব্ৰাহ্মণৰ বেশ ধৰি
- দেখা দিলা ৰজাৰ সকাশ।।
- ব্ৰাহ্মণক দেখি ৰজা ভক্তি ভাৱে কৰি সেৱা
- স্বপ্ন কথা সমস্তে কহিলা।।
- শুনি ব্ৰাহ্মণ ৰূপধাৰী শিৰে আশীৰ্বাদ কৰি
- কহিলন্ত আমিয়েই বিশ্বকৰ্মা
- তব বাঞ্চা পূৰ্ণ কৰিবহো আমি।।
- বুলিলন্ত ৰজা বাণী শুনা বিশ্বকৰ্মা জ্ঞানী
- প্ৰতিমাক সজোৱা আপুনি,
- উত্তৰত জগন্নাথ, দক্ষিণত বলোৰাম
- মাজে জানা সুভদ্ৰা ভগিনী।
- অপূৰ্ব সাজেৰে দেৱ প্ৰতিমাক গঢ়ি দিয়া
- কিৰীটি কুণ্ডল মনোহৰ,
- যেয়ে দৰশন কৰে জগতৰ পাপ হৰে
- কহিলোহো অতি সাৰে সাৰ।
- ৰজাৰ অভিপ্ৰায় শুনি বিশ্বকৰ্মা মহাজ্ঞানী
- প্ৰতিমাক আৰম্ভিলা
- সংগ্ৰাহক ধৰিত্ৰী ব্ৰাহ্মণ দেৱশিল্পীৰ চৰণ চিন্তি
- পাঁচালী প্ৰবন্ধ সামৰিলা।।
- ।।বিশ্বকৰ্মা মাহাত্ম্য।।
- সৌতিয়ে কহয় শুনা মুণিগণ
- দোৱশিল্পীৰ পাঁচালী ভৈলা সমাপন।
- হেনয় দেৱশিল্পীৰ কথা শুনা সৰ্বজনে
- তৰিবা সংসাৰ সিন্ধু ই কথা শ্ৰৱণে।।
- পূজা শেষে পাঁচালী শুনিবা সাৱধান
- তেৰাৰ দয়াত সৰ্বকৰ্ম হয় সমাধান।।
- ভক্তিসহ পাঁচালী কৰিলে শ্ৰৱণ
- শিল্প জ্ঞানে নিপুনতা লভে সেইজন।।
- বিদ্যাহীন জনেওঁ লভয় শিল্পজ্ঞান
- হৃদিমাজে থাকে যাৰ শিল্পীৰ আসন।।
- কৌটি নমস্কাৰ কৰো বিশ্বকৰ্মা প্ৰতি
- জ্ঞানে বা অজ্ঞানে তোমাপদে হওক মতি।।
- সমজুৱা ভাই সবে লোৱা হৰি নাম
- দুৰ্গতি গুছোক লোৱা বিশ্বকৰ্মা নাম।।
- ।।প্ৰণাম মন্ত্ৰ।।
- নমো দেৱশিল্পী মহাভাগ দেৱানাং কাৰ্য্যসাধক
- বিশ্বকৰ্মণ্ নমস্তুভ্যং সৰ্বাভীষ্ট ফলপ্ৰদ।।