মোৰ গানৰ সতে সুৰৰ সতে

ৱিকিউৎসৰ পৰা
Jump to navigation Jump to search
মোৰ গানৰ সতে সুৰৰ সতে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ গানৰ সতে
          সুৰৰ সতে
                 যি যি ছন্দ যায়
তোৰ তেজৰ সোঁতত
                 সঞ্চাৰ জগায়
          তাৰ চৰণত সোণৰ জুনুকা নাই৷
তাৰ সপোনলে’
সুন্দৰ নামি
          ক’লেহি নতুন কথা
প্ৰাণত জাগিলে
সেই কথা শুনি
          বিশ্ব বিয়পা ব্যথা,
                সেই বেদনাত উন্মাদ হৈ
                        ছন্দৰ দলে
                             দেউধাই হৈ নাচে
                                    চিৰসুন্দৰৰ
                                    নব প্ৰকাশৰ
                                          নব মুদ্ৰাৰে
                                          নতুন চানেকি বাছে৷৷