মোৰ গানৰ সতে তোৰ

ৱিকিউৎসৰ পৰা
Jump to navigation Jump to search
মোৰ গানৰ সতে তোৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ গানৰ সতে তোৰ
                 সুৰৰ চিনাকি
          সেইহে মোৰ জীৱনত জ্বলিল জোনাকী৷
ইমান চিনাকী হৈও তই
          অচিনাকী হৈ
                 নিতৌ পুৱতি আহ
চিৰ চিনাকী নিচিনিলোঁ বুলি
          মিচিকি মিচিকি হাঁহ
চিনা নিচিনাৰ
          খেলা পাতিলো কতনা কালৰে পৰা
জীৱনে জীৱনে লুকা-ভাকু খেলি
          আজিহে পৰিলি ধৰা৷৷