মোৰ গানলে’বসন্ত আহে
মোৰ গানলে’ বসন্ত আহে
পৃথিৱীৰ যত নুফুলা ফুলে
মিচিক মিচিক হাঁহে
মোৰ গানলৈ বসন্ত আহে৷
মোৰ গানত জাগে
গন্ধ বনৰ অন্ধ নিজৰা
মোৰ গানতে সুমন্দ্ৰিত
নতুন দিনৰ বজ্ৰবতৰা
মোৰ গানতে আন্দোলিছে
সাত সাগৰৰ তেৰ নদীৰ ঢৌ
লিখা নিলিখা কোটি কবিতাৰ
অমিয়-মাধুৰী মৌ
মোৰ গানত বয়, মন্দ-মৃদু মলয় সমীৰণ
মোৰ ছন্দত জাগে, চাকনৈয়াৰ ঘূৰ্ণী ভয়ঙ্কৰ
মোৰ ভাবত জাগে বা মৰলী উন্মাদ ক্ষয়ঙ্কৰ
মোৰ গানত জ্বলে চক্ৰ সুদৰ্শন
দুষ্কৃতি নাশি, কৰি যাবলৈ ধুনীয়া পৃথিৱীখন৷৷