মোৰ গানৰ অৰ্থ ময়েই

ৱিকিউৎসৰ পৰা
Jump to navigation Jump to search
মোৰ গানৰ অৰ্থ ময়েই
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰেই গানৰ অৰ্থ ময়েই
                ব্যাকুল হৈ তোক ক’বলৈ
                         তোকে বিচাৰি যাওঁ
বন বনান্ত ঘূৰি ফুৰি আহি
                মোকেই লগ পাওঁ৷
মোৰ কোঠালিত
                মোৰ সুৰৰ সতে
                তোৰ ধেমালি দেখি
তোৰে সতে মোৰ কথা হবলে’
                থাকো ৰখি ৰখি
মোৰ সুৰৰ সতে নাচি- বাগি
                থকাকে মই অৰ্থ
কিজানিবা গানৰ অৰ্থ
                তোকে কবলৈ পাওঁ৷৷