মোৰ গানটো যদি

ৱিকিউৎসৰ পৰা
মোৰ গানটো যদি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ গানটো যদি
          গাঁৱৰ ল’ৰাই গাৱ
মোৰ সুৰত যদি
          তোৰেই নিজৰ
                   প্ৰাণৰ হেঁপাহ পাৱ
          মোৰ গানটো যদি
                   গাঁৱৰ ল’ৰাই গাৱ৷
মোৰ মনটো যদি
          তোৰেই নিজৰ আপোন কৰি লৱ
তোৰ থাপনাত মই জ্বলোৱা
                   চাকিটোও থৱ
মোৰ গানেৰে পোহৰ কৰা
          বাটটো চিনি লবি
মন ধুনীয়া গাঁৱৰ ল’ৰা
          পৃথিৱীৰেই চকুত পৰা
                   হীৰা মাণিক হবি
                   বাটটো চিনি লবি৷৷