মোৰ গানটো আছিল বহীৰ পাতত

ৱিকিউৎসৰ পৰা
Jump to navigation Jump to search
মোৰ গানটো আছিল বহীৰ পাতত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ গানটো আছিল
বহীৰ পাতত
          লগতে আছিলে সুৰ
সুৰৰ সতে ছন্দ আছিল
                   জীৱন জুইৰে পূৰ৷
ছন্দ পিছে উতলি উঠিলে
সুৰে মনে মনে গুমৰিলে
                   বহীতে বন্দী বুলি
দুয়ো গুচি গ’ল
দেশ বিদেশলে’
                   উৰাই সোণৰ ধূলি৷
গানো বোলে আৰু বহীত নাথাকে
                   লগ বিচাৰিহে যাব
          বিচাৰি বিচাৰি
                   সিহঁতক গৈ
          কতনাজনৰ কত অন্তৰত
          কতনাজনৰ কত ভিতৰত
                   জিৰাই থাকোতে পাব৷
ছন্দ বিচাৰি
সুৰ বিচাৰি
          মোৰ গান যাব
                   যাব।।