মোৰ অগ্নিগানৰ জুয়ে

ৱিকিউৎসৰ পৰা
Jump to navigation Jump to search
মোৰ অগ্নিগানৰ জুয়ে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ অগ্নিগানৰ জুয়ে
            পুৰিব বুলি
                   আতৰি নাযাবি
তই নুফুলাক উম্‌ দি ফুলাই
      তোৰ, ঠাই বিচাৰি, দিব উলিয়াই
            তই, তোক বিচাৰি পাবি
            পুৰিব বুলি আঁতৰি নাযাবি৷
মোৰ অগ্নিস্নানৰ জুয়ে
      ছাই নকৰে
            সৃষ্টি কৰে
                  অমল বিমল সোণ
      নীহাৰিকাক উমাই উমাই
            সৃষ্টি কৰে কত তৰা জোন৷৷