মোৰ অগ্নিগানৰ ফিৰিঙতি

ৱিকিউৎসৰ পৰা
Jump to navigation Jump to search
মোৰ অগ্নিগানৰ ফিৰিঙতি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ অগ্নিগানৰ ফিৰিঙতি
          সি নতুনৰ জ্যোতিকণাটি
                   তোৰ কপাল
                           উফৰি পৰি
                   তোৰ, মুখ পোহৰাই নাচে৷
তোৰ মৰমত
          মই যে পমাৰ
সসীম মোৰ এই
          অসীম ভূমাৰ
                             চুমাটি গৈ যাচে৷
                   মোৰ অগ্নিগানৰ ফিৰিঙটি
          সঞ্জীৱনৰ মন্ত্ৰ মাতি যায়
তোৰ কপালত আলোক-চুমা খায়
          কঁপাই
                   জগাই
          তোক শিয়ঁৰাই
                   ৰাতিপুৱাই পুৱাই৷৷