মা, মই আজি আকৌ এটা

ৱিকিউৎসৰ পৰা
Jump to navigation Jump to search
মা, মই আজি আকৌ এটা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মা, মই আজি আকৌ এটা
                      সপোন দেখিলোঁ
          নীল সাগৰত ঢউৰ সতে
                   সোণৰ ৰূপৰ দুটা মাছে
                             খেলা দেখিলোঁ৷
মা, তই যে পিন্ধ দুগদুগীখন
          তাৰ ৰঙা বগা বাখৰ
তেনেকুৱাই জিক্‌মিকিয়া
          ছলঙ এখন কাছৰ
          বৰ বহল দীঘল ডাঙৰ
ছলংখনে ওভোতা খাই
          মোক বহুৱাই ললে
মাছ দুয়োটাই টানি নিলত ফিৰ্‌ফিৰ্‌কৈ গ’লো৷
খুব বেগেৰে যাওঁতে মা শিলত খুন্দা খালোঁ
          উচাপ খাই উঠি তোৰ কোলাত সাৰ পালোঁ৷৷