মাছমৰীয়াৰ গাঁওখনিত

ৱিকিউৎসৰ পৰা
মাছমৰীয়াৰ গাঁওখনিত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মাছমৰীয়াৰ গাঁওখনিত
         কোন ছোৱালী আছ?

বাঁহৰ আগৰ জিলিকনি
         ন পোহৰৰ বিৰিঙনি
                 গণি পঢ়ি
         ন দিনীয়া তাঁতৰ পাতত
                 কিনো ফুল বাছ?

তাত কি লিখিছ মই নজনা ভাষা
         তাত কি আঁকিছ মই নজানা আশা
         মই লিখা মোৰ নতুন গানৰ
                 সুৰৰ চানেকি
         তোৰ নতুন মনৰ
                 নতুন দিনৰ
                       বিহুৱানত দিছোঁ আঁকি-বাঁকি
সেই চানেকিৰ ফুলটো বাছি
         গোসাঁই ঘৰৰ--- থাপনাতো
         মোৰ গানৰে জ্বলাবি চাকি৷৷