প্ৰণতি প্ৰণতি প্ৰণতি নৱ জনজীৱনৰ

ৱিকিউৎসৰ পৰা
Jump to navigation Jump to search
প্ৰণতি প্ৰণতি প্ৰণতি নৱ জনজীৱনৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


প্ৰণতি প্ৰণতি প্ৰণতি
নৱ জনজীৱনৰ
        অভিনৱ জ্যোতি
                     প্ৰণতি প্ৰণতি প্ৰণতি৷
আজি সুৰে সুৰে জাগ
               জনতাৰ আশা
কণ্ঠে কণ্ঠে জাগ সংগ্ৰামী দলিতৰ
               দুৰ্ম্মদ ভাষা৷

ঝঙ্কৃত নৱ জনজীৱনৰ ছন্দ
                     ফুলি উঠ*
                     ফুলি উঠ*
                            সাম্য সংস্কৃতিৰ*
                     বিশ্বউজলা অৰবিন্দ৷*

নতুনৰ জুই জ্বল দীপান্বিতা পাতি
               মনে মনে প্ৰাণে প্ৰাণে
                     পূৰ্ণিমাৰ জোনাকৰে
               বিকশি, প্ৰকাশি উঠে জনপ্ৰগতি৷

শিল্পীৰ প্ৰতিভাৰে, নতুন ৰঙেৰে আঁক
                     নৱতম পৃথিৱীৰ ছবি
কবিয়ে গানে গানে নতুন ভৱিস্যৰ
                     আধাবুজা কথাটি কৰি৷
তৰুণ তৰুণী যত জ্যোতি পূজাৰী
               আন্ধাৰক জিনিবলে’
                     জনতাৰ সমৰৰ
                              প্ৰথম ৰণুৱা দল হৈ
      লৈ ব’ল জনতাক
               পোহৰলৈ
                     পোহৰলৈ
                              পোহৰলৈ ৷৷


·

               * পাঠান্তৰ: ফুলি উঠা

  • ফুলি উঠা
  • জনতাৰ সংস্কৃতিৰ
  • নৱ অৰবিন্দ