ফুলৰ কলিক ফুলাৰ মন্ত্ৰ

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


ফুলৰ কলিক
ফুলাৰ মন্ত্ৰ
        কৈ যাবলৈ কাণে কাণে
                সুন্দৰ বোলে আহি গুচি গ’ল
                মই টোপনিত থাকোতেই
                বেলি ওলোৱাৰ আগতেই৷

মোৰ নিশা লিখা গান
        কৰি অভিমান
                শেৱালি তলত
                      থমকি থাকোতেই
                            সুন্দৰে তাকে খুজি নিলে আহি
                                     সি সৰোৱা
                                          চকুপানীৰ
                                     তিনটা টোপালেই
কৈ গ’ল বোলে
        গানৰ চকুত ওপজা মুকুতা
                ক’তো পাবলৈ নাই
সাকো সৰগত এনেকুৱা মুকুতা
        দেৱতায়ো দেখা নাই৷৷