পোহৰৰ ফোঁট পিন্ধি কপালত

by জ্যোতিপ্ৰসাদ আগৰৱালা

পোহৰৰ ফোঁট
পিন্ধি কপালত
            কিনো বিচাৰি আহ’
মই সুধিলে
ভাষা পাহৰি
ৰঙা নপৰি--- হাঁহ’
            নতুন দিনৰ অ’ গাভৰু
            কাণত পিন্ধি মোৰ কবিতাৰে কেৰু
                      হাতত পিন্ধি মোৰ
                             অকোৱা পকোৱা খাৰু৷
আৰু মোৰ যে একোকে নাই
            এতিয়া দিওঁ সুদা হাতেৰে
                      কেনেকৈ পঠিয়াই!
অৱশেষ আছে জগতখনকে ভালপোৱা
                      মোৰ প্ৰাণ
            তাকে দিলোঁ তোক দান৷
মনৰ সজাত থবি
            তাৰ গান শুনি
                      বিশ্বখনকে আপোনাৰ কৰি লবি৷৷