পোহৰ নপৰা ফুলত আছিলে

ৱিকিউৎসৰ পৰা
Jump to navigation Jump to search
পোহৰ নপৰা ফুলত আছিলে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত



পোহৰ নপৰা ফুলত আছিলে
              ফুল সুৰভি শুই
শিল্পী আছিল জনৰ মনত
              কল্পনা তাৰ নাজাগোতেই
              নালাগোতেই নতুন বেলিৰ জুই৷

পোহৰ লাগি
       গন্ধ জাগি বনে বনে যায়
       নতুন গানৰ জুই লাগিলত
এই পৃথিৱীৰ জনগণৰ, আকুলতা জাগিল প্ৰাণৰ
              মনৰ শিল্পী
                         উঠিল সাৰ পাই৷

নতুন মানৱ উঠক জাগি
       শিল্পী মনৰে
              পৰিপূৰ্ণ হওক পৃথিৱী
                         আনন্দ গানৰে৷৷