পোহৰ দেশৰ পখিলাৰ জাকে

ৱিকিউৎসৰ পৰা
Jump to navigation Jump to search
পোহৰ দেশৰ পখিলাৰ জাকে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


পোহৰ দেশৰ পখিলাৰ জাকে
       মোৰ ফুলনিত নাচে
নোহোৱা নোপজা ফুলাম পাখিৰে
       নকৈ চানেকি বাছে
ন পখিলাৰ লাহী ভৰতেই
       সৰিছে পুৰণি পাহি
নতুন কলিৰ বুকু শিয়ঁৰিছে
       মুখত মিচিকি হাঁহি৷

ৰৈ ৰৈ উৰিবি, পোহৰৰ পখিলা
              ৰৈ ৰৈ উৰিবি তই
চিৰসুন্দৰৰ নতুন লিখাৰ
                       পাখিত অঁকাবঁকা
       আখৰ দেখিছোঁ মই
ৰৈ ৰৈ উৰিবি, পোহৰৰ পখিলা,
                       ৰৈ ৰৈ উৰিবি তই৷৷