পৃষ্ঠা:Ratneswar Bora Poem.pdf/২৩

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

তোমাৰ চহৰত এতিয়া

তোমাৰ চহৰত এতিয়া
লহপহকৈ বাঢ়িছে এডৰা
অবিশ্বাসৰ ছাইৰঙী কঠীয়া

এক সংশয়ৰ দুৰ্গন্ধভৰা আস্তাবল,
হেঁপাহৰ ৰঙীণ ৰুমাল জোকাৰি
ক’তো নাই উমাল হাত-বাউল

হোৰা-হোৰে নামিছে বিশ্বাসৰ ছেনছেকছ
পানীৰ দৰত বিক্ৰী হৈছে শক্তিহীন বিবেক

কোৱাচোন, কত খৰচ কৰোঁ
মোৰ বুকুত গুপুতে পুতি থোৱা
প্ৰেম বিশ্বাস আৰু মৰমৰ
এপেৰা সাঁচতীয়া গুটিধন

নাই হৃদয়ৰ সুলভ বিনিয়োজন

হাঁয়, ধান পকে মানে কিন্তু
টুনীৰ নিশ্চিত আওমৰণ।

(পূৰ্বপ্ৰকাশঃ দৈনিক জনমভূমি, ১৮/১১/২০১৪)

এমুঠি বনকৰা কিংখাপ কবিতা।২৫