পৃষ্ঠা:Ratneswar Bora Poem.pdf/২৪

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

মোৰ তেজৰ বাগিচাত ফুলিছে

হঠাৎ সাৰ পালোঁ
ৰাতি দুপৰত
তৰাবোৰৰ খোজৰ শব্দত
উঠি গ'লোঁ খপ্জ‌পাই
আধাপোৰা মমডাল জ্বলাই
চালোঁ পিৰিকিয়াই

ওহোঁ, তৰা নহয়।
শৈশৱৰ অলেখ স্মৃতি কঢ়িয়াই
ফৰিংফুটা চোতাল ওপচাই
মোৰ তেজৰ বাগিচাত ফুলিছে
এজোপা খৰিকাজাঁই

সাজে-পোছাকে
খোজে-কাটলে
সাইলাখ তোমাৰ লেখীয়াই, পাই।


(পূৰ্বপ্ৰকাশঃ দৈনিক, অসম, ২৬/০৭/২০১৫)

২৬।এমুঠি বনকৰা কিংখাপ কবিতা