পৃষ্ঠা:Ratneswar Bora Poem.pdf/২২

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

পাতে তিৰবিৰ হামদৈ পথাৰ

মোৰ সুখ
কিম্বা মোৰ দুখ
  বকুলবৰা ধানৰ থোক
এভঁৰাল এডুলি সহৃদয়
সপোনে ধৰিছে চালি
চিক্‌মিক্‌ কাঁচি খনি ৰ’দ কাঁচিয়লি

পাতে তিৰবিৰ হামদৈ পথাৰ

জীৱন যৌৱন
লাৱনি দাৱনী
 তেজে-ঘামে কৰি একাকাৰ
অ' মোৰ কৰুণাময়ী
আশাৰ শ্যামল আধাৰ
 যুগে যুগে ভৰসাৰ বিপুল সম্ভাৰ
মই অজলা কৃষকৰ
এটি অবুজ সন্তান
 মোৰ তেজ মোৰ হাড়ৰ সমাহাৰ
 পিতৃ-পিতামহৰ স্বৰ্ণখচিত অলংকাৰ।

(পূৰ্বপ্ৰকাশঃ দৈনিক জনমভূমি, ২৩/১১/২০১৩)

২৪।এমুঠি বনকৰা কিংখাপ কবিতা