এই পৃষ্ঠাটোৰ বৈধকৰণ হৈছে
পোহৰ আনোতা/৬
গৰিমাত মানুহ হব দেবতাৰ সমকক্ষ। |
জিউছ— | দেবতাৰ সমকক্ষ! ইযে এক ভয়ংকৰ কথা। |
এথেনা— | ভয়ংকৰ কথা? |
জিউছ— | নিশ্চয়। মৰ্ত্যৰ সামন্য মানুহে স্বৰ্গৰ সিংহাসন অধিকাৰ কৰিব, দেবসম্ৰাট জিউছক প্ৰত্যাহ্বান জনাব বতাহ-বৰষুণ, মাটি-পানী সকলোৰে অধিকাৰী হৈ স্বৰ্গৰ পৰা দেবতা সকলক বিতাৰিত কৰিব— ই কেতিয়াও হ’ব নোৱাৰে। |
এথেনা— | পিতা। আপুনি তেনেকৈ কিয় ভাবিছে? মানুহ হ’ব বিশ্বৰ অপূৰ্ব সৃষ্টি। সিহতে সভ্যতাৰ পথত অগ্ৰসৰ হ’ব। বিশ্বৰ সবত্ৰ দেবমন্দিৰ সাজি দেবতাৰ পূজা কৰিব, দেবসমাজৰ গুণ-গৰিমা প্ৰচাৰ কৰিব। |
জিউছ— | তই বুজা নাই এথেনা। বাৰু সকলো জ্ঞানৰ মূল কি? অগ্নি নহয় জানো? |
এথেনা— | হয়। |
জিউছ— | শুন এথেনা। এই স্বৰ্গীয় অগ্নিক লোকচকুৰ আতৰ কৰ। ইয়াক লুকুৱাই থ স্বৰ্গৰ এক গোপনতম কক্ষত। চাবি যাতে এই অগ্নি কোনো পধ্যেই মানুহৰ হাতত নপৰে। অন্ধকাৰৰ মাজত মহাকালৰ অপূৰ্ব সৃষ্টিয়ে ককবকাই ফুৰক। হাঃ হাঃ |
এথেনা— | কিন্তু। |
জিউছ— | কোনো কিন্তু নাই। মোৰ কথামতে কাম কৰ। |