এই পৃষ্ঠাটোৰ বৈধকৰণ হৈছে
ঘোষা ৩৪৩ ]
৭৬৩
নাম-মহিমা
সংসাৰ বিনাশে হৰিকো প্ৰকাশে
নামৰ মহামহিমা॥ ৩৩৯
হৰিৰ নামত একোৱে বিঘিনি
নাহিকে জানা নিশ্চয়।
আন যত ধৰ্ম্ম তাহাৰো বিঘিনি
নামেসে দূৰ কৰয়॥ ৩৪০
ৰাম-নাম মহা- প্ৰমত্ত সিংহৰ
ধ্বনি শুনি ঋণি ঋণি।
পাপময় মত্ত মাতঙ্গ পলায়
মিলিল হেৰা বিঘিনি॥ ৩৪১
ৰাম-কৃষ্ণ-নাম কীৰ্ত্তন বাড়ৱ-
অগনিৰ শিখা লাগি।
অসুৰ ৰাক্ষস পাষণ্ড পিশাচ
পলায় দশো দিশে ভাগি॥ ৩৪২
জয় জগজীৱ জগত-কাৰণ
জয়তি জগনিৱাস।
তোহ্মাৰ ভকতি- ৰসে মুকুতিকো
কৰে বহু পৰিহাস॥ ৩৪৩
৩৪১-৪২॥ তুক” ত্বন্নামসংকীতমতো নিশাচৰা ব্ৰৱন্তি ভুতান্য়পযান্তি চাৰয়ঃ।
নাশং তথা সম্প্ৰতি যান্তি ৱিষ্ণোৰ্ধৰ্মাদি সত্য়ং ভৱতীহ মোক্ষম্।
-ব্ৰহ্ম-পুৰাণ
পা ৩৪৩॥ পৰিহাস—উপহাস।
