এই পৃষ্ঠাটোৰ বৈধকৰণ হৈছে
[ পৰিশিষ্ট ৪]
ভৃগু-পৰীক্ষা*
ঘোষা॥ যদুমণি ৰাম ৰাম মোৰ প্ৰাণ।
হৰি হৰি ৰাম॥১
পদ॥ বাসুদেৱে বিষ্ণু হেন জানিয়া তোমাক।
অনেক বিনয়ে বুলিলন্ত তুতি বাক॥
পুছিলন্ত পৰম ৰহস্য মহাজ্ঞান।
পিতৃত সমন্তে তত্ত্ব কৰিলা ব্যাখ্যান॥ ১
আসিলন্ত লৰি ভৃগু ঋষি পৰীক্ষাক।
সুখে নিদ্ৰা লভি আছা দেখিলা তোমাক॥
জগাইলন্ত ক্ৰোধে হৃদয়ত লাঠি মাৰি।
ভৃগুক প্ৰণামি স্তুতি বুলিলা মূৰাৰি॥ ২
কৰিলা কাকুতি চৰণত ধৰি হৰি।
হিয়াত লাগিল সিটো সুকোমল ভৰি॥
পাইলা মহাদুখ কিনো আতি অসন্তোষ।
নিদ্ৰাত আছিলো মোৰ মৰষিয়ো দোষ॥ ৩
ঋষিৰ ধুলাৰ চিহ্ন ধৰিলাহা হৰি।
শুক্ল ভৈলা লোম-পান্তি সেহি দিনা ধৰি॥
তোমাৰ অদ্ভুত লীলা জানিবো কিমতে।
তুমিসি ব্ৰহ্মণ্য দেৱ জানিল জগতে॥৪
- এইখণ্ড কীৰ্ত্তন বিষ্ণুপুৰ সত্ৰৰপৰা সংগৃহীত হৈছে।
