এই পৃষ্ঠাটোৰ বৈধকৰণ হৈছে
৫৯২
[খণ্ড ২৫
কীৰ্ত্তন-ঘোষা
বেদান্ততো মোকেসে কহৱে।
মোক স্মৰি পাতক দহৱে॥
তুষ্ট হুয়া দেখা দিলে আগে।
লৈয়ো বৰ ৰাজা যেহি লাগে॥ ১৪২
স্বপ্নতো নেদেখে পাপী মোক।
তুমি মোৰ মহাভক্ত লোক॥
যতেক পূজিলা নাহি লেখা।
তাতেসে তোক দিলো দেখা॥ ১৪৩
শুনি ৰাজা তনু লোমাঞ্চিত।
কৰে স্তুতি পড়িয়া ভূমিত॥
লক্ষ্মীকান্ত তোমাক প্ৰণাম।
তনু যাৰ জ্বলে মেঘ-শ্যাম॥ ১৪৫
কৰে শঙ্খ চক্ৰ পদ্ম গদা।
তুমি শ্ৰীৰ নিৱাস সৰ্ব্বদা॥
সুতি থাকা ভুজঙ্গ-শয্যাত।
তুমি ব্ৰহ্ম ব্যাপক সাক্ষাত॥ ১৪৫
তুমি সূক্ষ্ম নিৰ্ম্মল নিৰ্গুণ।
সৃষ্টি স্থিতি লয়ত নিপুণ॥
মোক্ষ-পদ জগত-ঈশ্বৰ।
কৰো পড়ি প্ৰণাম বিস্তৰ॥ ১৪৬
