এই পৃষ্ঠাটোৰ বৈধকৰণ হৈছে
কাব্য-কলি ৷
(১১) সগুণ আৰু নিৰ্গুণ।
গুণৰেই গুণ পাপ আৰু পুইণ,
পূৰ্ণ মিলনত থাকিব কি?
সত্ত্ব, ৰজ আৰু তমৰ বিকাশ
পৰব্ৰহ্মৰূপ নিৰ্গুণ সি।
⸻
(১২) ভিখাৰী।
এমুঠি মাথোন পালে, দিলে বৰ মোক,
‘ঐশ্বৰ্য্য বিভূতি যেন উভৈ নদী হোক।’
সুঠিৰ সলনি যেয়ে বাঞ্চে মোৰ অত,
ভিখাৰী সাজেৰে তেওঁ শিৱ স্বৰূপত।
⸻
(১৩) অবিচাৰ।
পুণ্যৰ বিমল সুখ, শান্তি পাতকৰ
নেদেখে অপৰে, বুজে নিজেহে নিজৰ।
অন্তৰৰ সুখ দুধ বাহিৰত নাই,
অন্তৰে অন্তৰে ভোগে অন্তৰে সদায়।
বাহিৰত সমাদৰ দেখি পয়োভৰ
কি বুলিনো কয় লোকে,-তেওঁ সুখী বৰ?
(১৪) সাধুৰ চিন্।
পদুম বোকাত গজে পাতখিলা চাৰ
পাণীতে ওপঙি থাকে পাণীপ্ৰাণ তাৰ।
