এই পৃষ্ঠাটোৰ বৈধকৰণ হৈছে
কাব্য-কলি ৷
নশ্বৰ মাটীৰ দেহা,
স্বাৰ্থৰ সংসাৰ বেহা,
এৰি মৰ্ত্ত্য মোহমায়া পতিপুত্ৰ জ্ঞান,
মহা সতী সতীলোকে কৰিলে প্ৰয়াণ।
পত্নী বিয়োগৰ পাচে উদাসীন হই,
ভ্ৰমিছিল গদাধৰ যতে ততে গই।
বন্দৰ বৰফুকণে
সান্ত্বনা বুজনি দানে
ৰাজ্যৰ কুশল হেতু ৰাজপাট লই
অনুৰোধ কৰি পাচে আনে ৰাজ্য লই।
পত্নী অনুৰোধ স্মৰি, বংশ ৰক্ষণৰ,
স্বদেশ ৰক্ষাৰ আৰু ৰাজ্য শাসনৰ
মান্তি হৈ গদাধৰে
সৈন্য সমে ফুকণেৰে
গড়গাওঁল’কে আহে কৰি অভিধান
মন্ত্ৰী সকলেও তাতে দিয়ে যোগদান।
এই মতে সিংহাসন লভে গদাধৰে,
লৰাৰজা শাসনৰ তাতে ওৰ পৰে।
ষোল-শ একাশি চন,
ৰাইজৰ শুভ ক্ষণ;
উপযুক্ত কোৱঁৰৰ হল ৰাজপাট,
সিংহাসন লই আৰু গুচিল বিভ্ৰাট।
৪৫