শেনটো যোৱাদি যোৱা, ফেঁচাটো অহাদি অহা— ক্ৰি. শেনে বৰ কোবেৰে উৰি যায়৷ ফেঁচাই দিনত নেদেখে বাবে ভালদৰে উৰিব নোৱাৰে৷ এই স্থলত কোৱা হৈছে যে দুৰ্ব্বল কিন্তু অহংকাৰী মানুহে শত্ৰুৰ প্ৰতি শেনৰ দৰে বেগেৰে খেদি যায়, কিন্তু শত্ৰুৰ ওচৰ পালে ভয়ত আক্ৰমণ কৰিব নোৱাৰি লাজ পাই ফেঁচাৰ দৰে লাহে লাহে এখোজ-দুখোজকৈ আঁতৰি আহে৷ এতেকে,—কোবেৰে শত্ৰুৰ প্ৰতি খেদি গৈ ওচৰ পালে বলেৰে নোৱাৰা যেন দেখি হটি অহা, to advance defiantly but retreat ignominiously.
শেনৰ এজাত—বিং, আহোম ৰজাৰ দিনত শেন মেলোৱা ৰীতি আছিল৷ শেন-চোৱা খেলৰ মানুহে শেন পুহিছিল। আকাশে দি উৰি যোৱা বনৰীয়া শেনেৰে যুদ্ধ কৰিবলৈ পোহনীয়া শেন মেলি দিয়া হয়। ৰজাৰ আগত এই খেল দেখুওৱা শেনচোৱা বৰুৱাৰ বাব আছিল। তেওঁ শেন উৰাই দিলেই ৰজাই সোধে যে “শেনে জিকিব নে হাৰিব?’’ শেনচোৱা বৰুৱাই উত্তৰ দিয়ে :— “শেনৰ এজাত” (অৰ্থাৎ “শেনৰ একৰমক ভাব দেখা গৈছে।’’) শেহত শেনে জিককেই বা হাৰকেই, শেনচোৱা বৰুৱাই কব পৰা হয়, যে তেওঁ কোৱা মতেই কাৰ্য্য হল। এতেকে,—দ্ব্যৰ্থবোধক কথা, দুভঁজীয়া কথা, an ambiguous language.
শেহন্তৰত-ক্ৰি,বিং, (শেহত-অন্তত) আটাইতকৈ পিচত, in conclusion, finally.
শেহাই-ফোঁপাই অহা—ক্ৰি, বৰকৈ লৰিলে মানুহে শেহায় আৰু ফোঁপায়। এতেকে,—কোনো বস্তু পাবৰ নিমিত্তে আশা কৰি কোবেৰে অহা, to come with high expection.
শোধ সোৱঁৰোৱা,— [শোধ দি পূৰ্ব্বদান সোৱঁৰোৱা] প্ৰতিশোধ দিয়া, to take revenge.
শোধনী ভাৰ,—বিং, ছোৱালী দিয়ে নে নিদিয়ে সুধিবলৈ বুলি কন্যা-ঘৰলৈ নিয়া ভাৰ, gift to a bride's guardian on the occasion of formal proposal of marriage.
খাৱন-শোৱন নোহোৱা,—ক্ৰি, শোৱন আৰু খাৱনৰ সময় নোহোৱা অৰ্থাৎআজৰি নোহোৱা
