এই পৃষ্ঠাটোৰ বৈধকৰণ হৈছে
২৩
কন্যমেধ৷
দেখেগই আছে ভদ্ৰকান্তই
দাঁত নিকটাই।
আগদিনা হেনো দুৱাৰদলিত
লাখুটি পিছলি পৰি ,
কঁকালটো ভাগি কেঁকাই আছিল
এতিয়া আছে মৰি।
বাতৰি পাই কৃষ্ণ শৰ্ম্মাই।
প্ৰথমে লাগিল থৰ;
তাৰ পিচত ভদোৰ ঘৰলৈ
দিলে বিজুলী লৰ।
মৰা জোঁৱাইৰ স্থাৱৰ অস্থাৱৰ
সম্পত্তিখিনি আনি;
সুখ কৰিলে বুঢ়া বয়সত
হৈ চহকী মানী।
কৃষ্ণই পালে ধন-সম্পত্তি
ভদ্ৰই পালে পাৰ;
কন্যাৰ হ'ল সংসাৰখনি
যমৰ দক্ষিণ দ্বাৰ।
⸻