পৃষ্ঠা:ৰহঘৰা-দণ্ডিনাথ কলিতা.pdf/৩৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২২
ৰহঘৰা।

বাৰে ভচহু  কথা চোবাই,
 সম্বন্ধ স্থিৰকই;
উলটিল দুয়ো  শহুৰ জোঁৱাই
 ঘৰমুৱা হই।
ফাগুন মাহৰ ছদিন যোৱাত
 বিয়াখন পতা হল;
কৃষ্ণ শৰ্ম্মাৰ দুইটা ওঠত
 হাঁহি বিৰিঙি ৰ'ল।
বসতি ললে  হৰ-গৌৰীয়ে
 দৰা-কন্যাৰ গাত;
লগতে পৰিল ভদ্ৰকান্তৰ
 হিয়া-কৰিখন শাঁত।
ৰাইজে হলে  দুয়ো পক্ষকে
 পাৰিলে বিষম গালি;-
“বিয়া নহয়,  শহুৰ-জোঁৱায়ে
 ছোৱালীজনী হে খালি।”

(৩)


বিয়াৰ পিচত  এদিন দুদিনকৈ
 এপষ মাথোন গ'ল;
জকাইচুকৰ ভদোৰ ঘৰত
 উঠিল কোলাহল।
লৰি-ঢাপৰি সকলো গঞা
 ভদোৰ চোতাল পাই;