পৃষ্ঠা:হেমহাৰ.djvu/৪৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৪৫
একলব্য।

 দ্ৰোণৰ সুখ্যাতি গােটেই দেশত জনাজাত হলত প্রায় সকলো দেশৰ ৰজা যােদ্ধাবিলাকে তেওঁলােকৰ লৰাবিলাকক আহি দ্ৰোণৰ ওচৰত শিক্ষাৰ নিমিত্তে থবলৈ ধৰিলে। দ্রোণেও তেওঁবিলাকক যত্নেৰে অস্ত্র-শিক্ষা দিবলৈ ধৰিলে।

 প্রায় দুপৰিয়া হৈছে। দ্রোণে শিষ্য বিলাকক লৈ অস্ত্র শিক্ষা কৰাইছে। ৰাতি পুৱাৰে পৰা শিক্ষা কৰাত তেওঁলােকৰ ভোক আৰু ভাগৰ লাগিছে। সকলােৱেই ঘৰলৈ যাবলৈ উৎসুক হৈ দুগুণ উৎসাহেৰে লাগি গৈছে।

 এনে সময়ত ক্রীড়াভূমিৰ এদাঁতিত এটা দিব্য নােদোকা লৰা ধেনুকাঁৰ লৈ উপস্থিত হৈ লৰাবিলাকৰ খেল চাবলৈ ধৰিলে।

 সেই দিনা খেলা হৈছিল, এটা খুটিৰ মূৰত এটা মাটিৰ চৰাই থৈ তাৰ দুহাত আঁতৰত এটা খুটিৰ ওপৰত এভাল লােহৰ আজঠি ৰখা হয়। লৰাবিলাকে সেই আজঠিৰ একৈশ হাত আঁতৰৰ পৰা শৰ মাৰি আজঠিৰ