এই পৃষ্ঠাটোৰ বৈধকৰণ হৈছে
[৫৩ ]
নৃপতিক এড়ি, পাঞ্চকো ধৰিবি,
চতুৰ্থ প্ৰহৰ বেলি॥ ২৫৬
এক এক কৰি, নিদ্ৰা ক্ৰমে ধৰি,
অধোমুখে পেলাইনন্ত।৷
তযু ভাতৃ ভাৰ্য্যা, বিশেষত জানা,
মাৰিবে কোনে পাৰন্ত।৷
একেশ্বৰ কৰি, স্বৰ্গ সন্ধমণী,
ফুৰাইলো মই তোমাক।
পাপ পুণ্য ফল, গুছিল সকল,
ক্ৰোধ নকৰিবা মোক।৷ ২৫৭
নিদ্ৰাৰ অঙ্কত, হৈলন্ত সমস্ত,
কৃষ্ণাসমে পাঞ্চোভাই।
মাতলি সহিতে, গৈয়া এহি ৰথে,
এতিক্ষণে পাইবা জাই।৷
হেন শুনি মই, বুলিলো দুনাই,
মোহোক পাঞ্চিয়া দিয়া।
সবেয়ো বসিয়া, ভুঞ্জিবোহো গৈয়া,
এহি পৰমান্ন নিয়া।৷ ২৫৮
এহিখানি কৃপা, কৰিয়োক পিতা,
তান শোকে ফুটে প্ৰাণ।
মোৰ বাণি শুনি, মাতলিক মাতি,
বুলিলন্ত তেতিক্ষণ।৷
