এই পৃষ্ঠাটোৰ বৈধকৰণ হৈছে
৪২
স্তুতি-মালা৷
পত্নী পুত্ৰ ধন গৃহ পৰিজন
থাকিও চঞ্চল মন;
দিয়া পদছায়াঁ দূৰ কৰা মায়া
ৰক্ষা কৰা নাৰায়ণ।
স্বদেশ স্বজন প্ৰাণৰ সমান
তাতো মই ভক্তিহীন;
অগতিৰ গতি সাধা মোৰ গতি
ৰক্ষা কৰা নাৰায়ণ।
মুক্তিৰ উপায় আৰু মোৰ নাই
নিশ্চয় জানিলোঁ স্বামী;
মুক্তি পৰিহৰি ভক্তি আশা কৰি
শৰণ পশিলোঁ অমি।
দিয়া ভক্তি দান নামাগোহোঁ আন
তুমি ভকতৰ প্ৰাণ;
তোমাৰ চৰণে শৰণ পশিলোঁ
ৰক্ষা কৰা নাৰায়ণ॥
———০———
কৃষ্ণ স্তোত্ৰ।
পদ্ম সম নেত্ৰ যাৰ প্ৰণামোহো বাৰ বাৰ
নমো দেৱ দৈবকী-নন্দন;
যশোদা হৃদয়ানন্দ তযু পদ অৰবিন্দ
লক্ষ বাৰ কৰোঁহো বন্দন।