এই পৃষ্ঠাটোৰ বৈধকৰণ হৈছে
৪১
স্তুতিমালা৷
সত্ব আত্ম বুদ্ধি নাই চিত্ত শুদ্ধি
ৰজস্তমতেসে মাত্ৰ মতি;
সজ জ্ঞান দিয়া প্ৰভু তাৰি নিয়া
তুমিয়েসে মোৰ গতি।
———০———
নাৰায়ণ স্তোত্ৰ।
কৰ্ম্ম ভক্তি জ্ঞান ই-তিনি সাধন
মোক্ষৰো মুখ্য কাৰণ;
বিষয়ক পাই তাত মতি নাই
ৰক্ষা কৰা নাৰায়ণ।
পাপ নিবৃত্তি ধৰ্ম্মত প্ৰবৃত্তি
তোমাৰ চৰণে মন;
নাই একো মোৰ অনাচাৰি ঘোৰ
ৰক্ষা কৰা নাৰায়ণ।
দেহ পৰি যায় মৃত্যু আহি পায়
তথাপি বিষয়ী মন;
দেখিও নেদেখো মিছাকে উপাশোঁ
ৰক্ষা কৰা নাৰায়ণ।
সদা বহিদৃষ্টি দেখোঁ স্থূল সৃষ্টি
অন্তদৃৰ্ষ্টিশূন্য মন;
তুমি সে উপায় আৰু গতি নাই
ৰক্ষা কৰা নাৰায়ণ।