পৃষ্ঠা:সূতিকা পটল.djvu/৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


 এই পুথিৰ প্ৰকাশিকা স্বর্গীয়া ৺যজ্ঞেশ্বৰী দেবী বেলতলাৰ স্বর্গীয় ৰজা ৺চন্দ্ৰ নাৰায়ণদেৱৰ জীয়েক আছিল। তেওঁ কুমাৰী অৱস্থাত যি সুখ আৰু আমােলত কাল কটাইছিল, স্বশ্ৰুকুলৰ দৰিদ্ৰ অৱস্থাৰ বাবে, তেওঁ বিবাহিতা অৱস্থাত আৰু সেই সুখ ভােগ কৰিব নাপাইছিল। তথাপি নিজৰ মহৎ চৰিত্ৰৰ গুণে পাতিব্ৰত্য ধর্মকে সাৰ কৰি, ৰজাৰ জীয়েক হৈয়ো নিজে নানা কষ্ট কৰি, তেওঁ গৃহাশ্ৰমধৰ্ম্ম পালন কৰিছিল আৰু স্বামীগৃহ সদায় আনন্দ আৰু পবিত্রতাৰ কিৰণেৰে উজ্জ্বল কৰি ৰাখিছিল। পাচে অকালতে পােন্ধৰ বছৰ বয়সত শ্বশ্ৰু আৰু পিতৃকুলক কন্দুৱাই পুণ্যশীলা পতিব্রতাই সূতিকা ৰােগত প্রাণ ত্যাগ কৰে।
 ৺যজ্ঞেশ্বৰী দেবীৰ চৰিত্র পতিভক্তি, দয়া, দাক্ষিণ্য আদি সদগুণবােৰেৰে ভূষিত আছিল। কিন্তু সকলোতকৈ ডাঙৰ আছিল তেওঁৰ সন্তোষ। তেওঁ সকলো অৱস্থাতে সুখী আছিল; আৰু সৰুকালতে নকৰা বন আদি কৰিও পতিগৃহত থাকি বৰ সুখেৰে কাল কটাইছিল।
 ৺যজ্ঞেশ্বৰী দেবী ১২৯৯ চনৰ কাতি মাহত জন্ম গ্রহণ কৰে। আৰু ১৩১২ চনৰ ২ৰা বহাগৰ দিনা এই প্রবন্ধৰ তলত নাম দিওঁতাৰ লগত তেওঁৰ বিয়া হয়। তাৰ পাঁচ বছৰ ১৩১৩ চনৰ জেঠত তেওঁৰ দ্বিতীয় বিবাহ কাৰ্য্য সমাধা হয়। আৰু ১৩১৪ চনৰ আহিনত এটি পুত্র সন্তান জন্ম দি ৰাতি দুটা বজাত স্বৰ্গ ধামলৈ গতি কৰে। তেওঁৰ মৃত্যুৰ সময়ত তেওঁৰ পিতাক জীৱিত আছিল; ১৩১৫ চনৰ ভাদ’ মাহত তেওঁৰ কাল হয়। ৺যজ্ঞেশ্বৰী দেবীৰ মাতৃদেবী এতিয়াও জীৱিতা ।
 ৺যজ্ঞেশ্বৰী দেবীয়ে মৃত্যুৰ সময়ত কিছুমান সঞ্চিত ধন এৰি থৈ