এই পৃষ্ঠাটোৰ বৈধকৰণ হৈছে
৫৬
সূতিকা পটল।
প্ৰসূতিৰ শুশ্ৰূষা।
বিনোদিনী প্ৰতি লক্ষ্মী কহিল বুঝাই।
প্ৰসূতি-শুশ্ৰূষা ময় শিক্ষা দিয়া নাই॥
সি বিষয় যি উচিত কহোঁ শুনাতাক।
নিদ্ৰা কৰাইব চেষ্টা লাগে কৰিবাক॥
⸻⸻⸻
প্ৰসৱান্তে নিদ্ৰা।
যদি ফুল পৰিল নাড়ীও কাটা ভৈল।
সৰ্ব্বৈব জঞ্জাল নথাকিল ভাঙি গৈল॥
ই সময়ে প্ৰসূতিৰ নিদ্ৰা যদি হয়।
প্ৰসৱৰ দুঃখ শৰীৰত নথাকয়॥
নিদ্ৰা কৰাবাৰ অন্য নলাগে উপায়।
প্ৰতি-গৃহৰ গুছাইয়া দিবা হাই॥
⸻⸻⸻
দ্বাৰৰ যত্ন।
আৰু এক খণ্ড মলহীন সূক্ষ্ম কানি।
চাৰি ঝাপ কৰি অগনিত সেঁকি আনি॥
প্ৰসৱৰ দুয়াৰক আবৰিয়া থৈব।
নুগুছয় মানে বিষ দিনকত* লৈব॥
শীতল হুইলে বস্ত্ৰ খণ্ড সেঁকি লৈব।
পুনৰপি সিতো দুৱাৰক ঢাকি থৈব॥
দাগ-ছেক লাগে যদি বস্ত্ৰ সলাইব।
সলাই সলাই সেঁকি সেঁকি লগাইব॥
⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻
- দিনকত — দিনে-দিনে, নিতৌ।
