পৃষ্ঠা:সূতিকা পটল.djvu/৪০

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ মুদ্ৰণ সংশোধন কৰা হৈছে
২৬
সূতিকা পটল।


লক্ষ্মী বােলে সিতো মন্দ ; ততােধিক কৰে।
বল দিয়া দিয়া বুলি হুকি ডাবি ধৰে॥
বল দিয়া কিংবা বহা যুক্তি নহে ভাল।
কোন সময়ৰ কাৰ্য্য নুবুজয় কাল ॥
পােৱাতীৰ প্ৰথম অৱস্থা যত কাল।
তাত প্ৰসৱৰ যত্ন ই বড় জঞ্জাল॥
বল দিলে প্রসৱয় গর্ভিণীৰ সুত।
কোনে কোত শুনিছা হেনয় অদভুত॥
প্রথম অৱস্থা কালে দিয়া বহু বল।
অবলা গর্ভিণী আৰো হােৱয় দুর্বল॥
দ্বিতীয় অবস্থা বল প্ৰকাশৰ কালে।
বল প্রকাশিতে আৰ নপাৰয় ভালে॥
সেই হেতু প্রসৱৰ বিলম্ব হােৱয়।
প্রথমে বলৰ এই কুফল ফলয়॥
এতেকতে প্রথম অৱস্থা যত কাল।
প্রসৱ হউক বুলি নকৰি জঞ্জাল॥
মাজে মাজে দেখিবেক জৰায়ুৰ দ্বাৰ।
বন্ধন মুকলি কোন অৱস্থা তাহাৰ॥
যদি বুজিলেক জৰায়ুৰ * দ্বাৰ মুক্ত।
তেৱে প্ৰসৱৰ যত্ন কৰা যুক্তিযুক্ত॥
জৰায়ুৰ দ্বাৰ মুক্ত জানিবেক যেৱে৷
দ্বিতীয় অৱস্থা বুলি মানিলেক তেৱে॥

  • জৰায়ু— গৰ্ভৰ যি ভাগত সন্তান থাকে সেই ভাগৰ নাম জৰায়ু৷