এই পৃষ্ঠাটোৰ বৈধকৰণ হৈছে
২৫
সূতিকা পটল৷
মুখে বোলা হৰি হৰি, বিপদ হৰিব হৰি,
ৰূপ গুণ যুত সুত পাবা॥
গোবিন্দ-পদাৰবিন্দ, ভাবি কহে শ্ৰীগোবিন্দ,
লক্ষ্মী বিনোদিনীৰ সংবাদ।
শুনা সব নাৰীগণ, ইতো গ্ৰন্থে দিবে মন,
প্ৰসৱত নোহয় প্ৰমাদ॥
প্ৰসৱৰ প্ৰথম অৱস্থা
⸻⸻
প্ৰসৱৰ
বেদনা হলে যি কৰ্ত্তব্য।
পৰীক্ষিয়া মোহিনীক লক্ষ্মী বুলিলেক।
প্ৰসৱৰ পক্ষে কাল আছয় অনেক॥
এতেকে মোহিনী উঠি বুলা * মোৰ আই৷
মোহিনী বোলয়ে আই মোৰ সাধ্য নাই॥
লক্ষ্মী বোলে বুলি ফুৰা ইতো দুঃখ কৰা।
সুশীঘ্ৰ প্ৰসৱ হল মোৰ বাক্য ধৰা॥
সাধ্য নাই তথাপিতো অনুৰোধ গুণে।
গৃহ ভিতৰতে ফুৰে ইপুনে সিপুনে॥
বিনোদিনী বোলে গ্ৰাম্য আচৰণী ছয়৷
পোৱাতীক সাৱধানে বসিবে কহয়॥
- বুলা--খোজ কাঢ়ি ফুৰা।৩
