পৃষ্ঠা:সূতিকা পটল.djvu/২১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


সূতিকা পটল।

সি সময়ে বিস্তৰ শ্ৰমক নসহয়।
বহু পৰিশ্ৰমে গর্ভ নষ্টৰ সংশয়৷৷
প্রথমৰ তিনি মাসে ভয় অতিশয়।
এই তিনি মাসে বহু গর্ভ নষ্ট হয়।৷
ইতো তিনি মাস সাৱধানৰ সময়।
পিছলিয়া যেন কোনোখানে নপড়য়।৷
নীচ হৈতে উচ্চ, উচ্চ হৈতে নীচ ভাগে।
উঠা নামা পৰিশ্ৰম কৰিব নলাগে।৷
পদব্রজে কিংবা দোলা আদি ধানে চড়ি।
নাযাই দূৰক থাকিবেক ধৈৰ্য্য ধৰি৷।
ইসব যুক্তিৰ বিপৰীতে চলা ভয়।
ইসবতে সেই গর্ভ নষ্টৰ সংশয়।৷
বিনােদিনী বোলে লক্ষ্মী শুনা মােৰ কথা।
ছয়মাসী গর্ভনষ্ট দেখিলোহোঁ যথা৷৷
লক্ষ্মী বােলে কহিবাক নাহি প্রয়ােজন।
সি বিষয় কহোঁ ময় তাত দিয়া মন৷।
তৃতীয় চতুর্থ পঞ্চ মাসৰ ভিতৰে।
তৃতীয় মাসক ধাইগণে * ভয় কৰে।৷
চতুর্থ পঞ্চমে নষ্ট কদাচিত হয়।
ছয় মাস হৈলে গৰ্ভ নষ্ট নকহয়৷।
ছয়মাসী সন্তান যতনে ৰক্ষা পায়।
মৰে শিশু যদ্যপি অযত্ন কৰে মায়।৷

  • ধাইগণে-ধাত্রী অর্থাৎ বি তিৰোতাই প্ৰসৱৰ ভাল বেয়া সকলো কথা জানে৷ সেইবোৰে আমাৰ দেশৰ ‘আশ্ৰেণী’।