পৃষ্ঠা:সূতিকা পটল.djvu/১৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


শ্ৰীশ্ৰীকৃষ্ণায় নমঃ।

সুতিকা পটল।

গ্ৰন্থাৰম্ভ।

কাৰণ।

আদ্যা শক্তিময়ী জননীক ভক্তি ভাৱে ।
সহস্ৰৈক দণ্ডবত কৰোঁ তান পাৱে৷৷
আপুনি কষ্টক সহি ৰাখে উদৰত।
বহু কষ্ট পাৱয় প্রসূতি প্ৰসৱত৷৷
যিবা কষ্ট যত্ন সন্তানৰ প্ৰসৱত।
লক্ষ্মীয়ে কহিল বিনােদিনীৰ প্ৰশ্নত৷৷
ইতো গ্রন্থ শ্ৰবণত আছে উপকাৰ।
বুজা মাতৃসব প্ৰসৱৰ ব্যৱহাৰ৷৷
প্ৰসৱ বিষয় আৰু বালক বিষয়।
ঔষধ জানিব তাত নাহিক সংশয়।৷৷
তাকে জানি সতী লক্ষ্মীৰূপা নাৰীগণ।
ইতো ক্ষুদ্ৰ গ্রন্থ শ্ৰবণত দিয়া মন৷৷
সুসাধু ভাষাৰ আৰ মূলগ্ৰন্থ খানি।
চিদানন্দে পদ্য কৰিবাক দিলা আনি৷।