পৃষ্ঠা:সূতিকা পটল.djvu/১৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


উপকাৰ হ’ব; আৰু ধাত্ৰী প্রভৃতি আন আনৰো কষ্টৰ বহু লাঘৱ হ’ব; আমাৰ যিবােৰ প্রথা দূষণীয় তাকো বুজি এৰিব পাৰিব। তলত লিখা পৃষ্ঠাবােৰত যি যি উপদেশ আছে সি সকলােৱে পালিব পৰা; আৰু তাৰে কিছুমান নিতান্ত পালন কৰিবলগীয়া— যেনে, নাভি পকাৰ যত্ন, তেজ নভঙাৰ যত্ন, দ্বাৰ আৰু উদৰৰ যত্ন ইত্যাদি।

 এইবোৰ পৃষ্ঠাত ভাল ভাল উপদেশ আছে।

৩, ৪, ৫, ৬, ৮, ১৩, ১৭, ১৮, ২৫, ২৬, ২৭, ২৯, ৩১, ৩৩, ৩৭, ৩৮, ৩৯, ৪১, ৪৩, ৪৪, ৪৬, ৪৮, ৫০, ৫১, ৫৩, ৫৪, ৫৬, ৫৮, ৫৯, ৬১, ৬৬, ৬৭, ৬৮, ৭১, ৭৩, ৭৬, ৭৭, ৭৮, ৮২, ৮৩, ৮৪।

 পুথিৰ শেষৰ ফালে যি কেইটা ঔষধৰ তালিকা দিয়া হৈছে, সি বহুতৰ দৰকাৰত লাগিব বুলি আশা কৰা যায়। সেইবােৰ ঔষধ যােগাৰ কৰা সহজ। আৰু সকলোৰে দৰকাৰী বিবেচনায় তাক সুৱলা গদ্যত দিয়া হৈছে। সিও চৌধুৰীৰ নিজা।

 ছপোৱাৰ সময়ত বহুত যত্ন কৰি দৰকাৰী ঠাইবােৰত সকলোৰে বুজাৰ সুবিধাৰ অৰ্থে পাৰ্যমানে টীকা দিয়া হৈছে। বুঢ়া চৌধুৰীৰ যিবােৰ টোকা আছিল, সেইবোৰ একো বদল নকৰি আৰু দৰকাৰী অদৰকাৰী বিচাৰ নকৰি ইয়াত ছপোৱা হৈছে ।

 শ্রীযুক্ত নবীনচন্দ্র তালুকদাৰ মহাশয়ে কেৱল মাত্র আমাকে এই কিতাপৰ একমাত্ৰ এজেণ্ট পাতিছে। আমাৰ ইয়াৰ পৰা আনে পাইকাৰী দামত কিতাপ পাব পাৰে, নাইবা গ্রন্থকাৰৰ পৰাও পাব পাৰে। ইতি।

অমৃত এজেঞ্চি।

নলবাড়ী, কামৰূপ,
আসাম
আঘোন, ১৩১৫ চন