পৃষ্ঠা:সূতিকা পটল.djvu/১৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


গ্রন্থকাৰৰ ভূমিকা।

 গর্ভ অৱস্থাৰ সাৱধানতা, প্ৰসৱৰ ব্যৱস্থা, শিশুপালন, তাৰ ৰোগৰ কাৰণ বা ঔষধ, কামৰূপী স্ত্রীলােকসকলে নাজানে।

 সেইকাৰণে শৰীৰত আৰু মনত মহাকষ্ট ভােগ কৰে তাকে জানি মহাত্মা যদুনাথ ডাক্তৰৰ কৰা ’’ধাত্রী শিক্ষাৰ” প্রথম ভাগৰ কামৰূপী ভাষায়ে সস্তা কথা দি পদ কৰিলোঁ৷

 গ্রামিক লােকে পদ পুথিক শ্রদ্ধা কৰি ঘৰৰ কাঠিত বহি ৰাগ টানি পঢ়ে। তাতে স্ত্রীলােকে শুনিব এই ভৰসা।

 পণ্ডিতবৰ শ্ৰীযুত বাবু অভয়াচৰণ শৰ্ম্মা দয়াৰ প্ৰতিমূৰ্ত্তিস্বৰূপ। তেওঁ দয়া গুণে লিপিশুদ্ধি কৰি দি ছপাবৰ অভয় দিয়াত ছপালোঁ।

শ্ৰীগোবিন্দৰাম চৌধুৰী।

পাতনি।

 ৺গােবিন্দৰাম চৌধুৰী ডাঙৰীয়াৰ সূতিকা পটল কিমান উপকাৰী তাক এবাৰ পঢ়ি চালেই বুজিব পৰা যাব। এই কিতাপখন তেওঁৰ নিজা নহয়; বঙালীভাষাৰ ’’ধাত্রীশিক্ষা” বুলি কিতাপ এখনৰ অনুবাদ হে। কিন্তু ই যেই সেই অনুবাদ নহয়; ইয়াক অসমীয়াৰ আৰু অসমীয়া ভাষাৰ নিজা কৰি লোৱা অনুবাদ। ইয়াত ৰােগবোৰৰ বঙালী নাম আৰু ঔষধৰো বঙালী নাম অসমীয়া ভাষাত দিয়া হৈছে। ভালকৈ ঘৰুৱা বঙালী নজনাৰ পক্ষে ই এটি কম সুবিধা নহয়।

 অৱশ্যে, সুতিকা পটলত যিমান কথা আছে সকলোকে অনুসৰণ কৰি চলিব নােৱাৰি । আৰু তাত যিবােৰ ঔষধৰ কথা লেখিছে সেইবােৰ সকলো ঠাইতে পােৱা টান, আৰু পালেও ব্যৱহাৰ কৰা টান। কিন্তু তাত যিবােৰ উপদেশ আছে, তাক সকলোৱে অতি সহজতে পালন কৰিব পাৰে; আৰু আমাৰ বিশ্বাস, সেইবোৰ পালন কৰি চলিলে প্রসূতি আৰু সন্তানৰ উভয়ৰে বহু