এই পৃষ্ঠাটোৰ মুদ্ৰণ সংশোধন কৰা হৈছে
১ম অ ৪ৰ্থ দৃ]
১১
সীতা
(বাল্মিকিৰ প্ৰবেশ)
| বাল্মিকি— | বাস্তব কল্পনা দুয়ো মিলিছে দুনাই। |
| সীতা— | (চেতনা পাই) লক্ষ্মণ, লক্ষ্মণ — |
| বাল্মিকি— | দেবি, মাতৃ— |
| সীতা— | সীতা মই, ৰামৰ ঘৰিণী দেৱ, নিৰ্ব্বাসিতা, কলঙ্কিনী। |
| বাল্মিকি— | উঠা। তুমি দেবি, বাল্মিকিৰ মাতৃ-স্বৰূপিনী।
(দূৰলৈ) নিবেদিতা। |
| দূৰত নিবেদিতা— | পিতা। |
| বাল্মিকি— | আহা শীঘ্ৰে। (সীতাক) উঠা মাতৃ। |
(নিবেদিতাৰ প্ৰবেশ)
| নিবেদিতা— | পিতা। |
| বাল্মিকি— | জননীয়ে দিলেহি দৰ্শন,
শুশ্ৰূষাৰ ক’ৰা আয়োজন। |
| বাল্মিকি— | সীতা কলঙ্কিনী?
অযোধ্যাৰ প্ৰজাগণে বুলিছিলে মাতৃ জানকীক; |
