এই পৃষ্ঠাটোৰ বৈধকৰণ হৈছে
১৩
সিপুৰীৰ বাতৰি।
কাণেৰে বচন কৰিলোঁ শ্ৰৱণ;
হৃদয়-কম্পন নোহে একো ক্ষণ;
হৃদয়ত ভাবোঁ মাথোঁ পৃথিবী স্নেহৰ,
ভাৰ্য্যা বন্ধু অসমৰ প্ৰিয় নাৰী নৰ ।
বুলিলে সুন্দৰী, “কোঁৱা নিষ্ঠ কৰি,
ৰিপুৰ বাতৰি শুনি আছা ডৰি?
আৰু শোধনৰ হেতু আছে সৰোবৰ ৷
স্নান কৰি হব পাৰি নিৰ্ম্মল-অন্তৰ ।
“ছয় সৰোবৰ সৌৱা মনোহৰ,
বহল ডাঙ্গৰ, পানী নিকা বৰ;
প্ৰত্যেক ৰিপুৰ চোৱাঁ ভিন্ন সৰোবৰ।
স্নানিলে এৰায় সেই ৰিপুৰ বিকাৰ।
“তন্ময় ভাবেৰে যদি স্নান কৰে,
তেনেহলে নৰে শুদ্ধ হব পাৰে;
তেতিয়াও যদি কাৰো নহয় শোধন,
কৰিব ঈশ্বৰে নৱ আজ্ঞা বিজ্ঞাপন ।”
